Хэгъэгу зэошхом илъэхъан футбол ешIэгъухэр тихэгъэгу щыкIуагъэх.

Ленинград фашистхэм къадзыхьагъэу къалэм машIор къырадзыщтыгъ. Къэлэдэсхэм гъомылапхъэхэр афимыкъухэу гъаблэм хэтыгъэх. Советскэ цIыфхэр къиным къымыуфэхэу заом пэшIуекIохэзэ футбол ешIэгъухэр зэхащэщтыгъэх.

1942-рэ илъэсым жъоныгъуакIэм Ленинград футбол ешIэгъу щыкIуагъ. 1943 – 1944-рэ илъэсхэм Сталинград, Москва ешIэгъухэр ащызэхащагъэх.

Футбол ешIагъэхэр текIоныгъэм икъыдэхын фэбэнагъэхэу цIыфхэм алъытэщтыгъ. «Старт», «Динамо», «Трактор», нэмыкI командэхэри зэIукIэгъухэм ахэлэжьагъэх. Нэбгырэ мин пчъагъэ ешIэгъухэм яплъыгъ. Пыим изэхэкъутэн, цIыфхэм ягушъхьэ кIуачIэ къэIэтыгъэ­ным афэшI футбол ешIагъэхэмрэ зэхэщакIохэмрэ яшIушIагъэ тари­хъым егъашIи хэкIокIэщтэп.