«Коронавирусыр къемы­жьэзэ, щыIэкIэ-псэукIэу тиIагъэм тытехьа­жьы­ным, зекIоныр зыгъэмэкIэрэ гъунап­къэхэу дгъэнэфагъэхэр игъо­рыгъозэ нахь макIэ тшIынхэм афэшI щынагъоу къы­хэкIын ылъэ­кIыщт­хэм тыдягупшысэным ыкIи ахэр къэмыгъэхъугъэнхэм мэхьанэ яI, санитарнэ шапхъэхэр гъэцэ­кIэгъэнхэм зэралъыплъэхэрэ шIыкIэр гъэлъэшыгъэн фае. Ащ дакIоу, унэм исынхэм ирежим джыри тишъолъыр щылъыдгъэкIотэщт, ар анахьэу зыфэгъэхьыгъэщтыр зыныбжь илъэс 65-м къе­хъугъэхэр, уз гъэтIылъыгъэ зиIэхэр ары», — къыIуагъ Адыгеим и ЛIышъхьэу КъумпIыл Мурат Опе­ра­тивнэ штабым изэхэсыгъо къыщыгущы­Iэзэ.

Роспотребнадзорым АдыгеимкIэ и ГъэIорышIапIэ къызэритыгъэмкIэ, коронавирусым тишъолъыр зызэрэщиу­шъом­бгъурэр джыри зыпкъ итэп. Ар зэпхыгъэр Адыгэкъалэ сымаджэ щыхъугъэ­хэм япчъагъэ зэрэщыбэр ары.

Муниципалитетхэм ащыщхэм узым ащ фэдэу лъэшэу защиушъомбгъугъэп.

Район пэпчъ эпидемием изытет елъытыгъэу, санитарнэ шапхъэхэр дагъэцакIэхэзэ, ­жъоныгъуакIэм и 12-м къыщегъэжьагъэу ыпэкIэ зэпагъэугъэ псэукIэм игъорыгъозэ къыфагъэзэжьыщт.

Ар фэIо-фэшIэ зэфэшъхьаф­хэр зыгъэцэкIэрэ предприя­тиехэм, гъомылапхъэхэр, унэгъо ыкIи хъызмэтым щагъэфедэ­хэрэр зыщащэрэ бэдзэрхэм яIофшIэн зэрэрагъэжьэжьырэм фэгъэхьыгъ. Джащ фэдэу зы­гъэпсэфыгъо мафэхэм зэхащэ- рэ ермэлыкъхэри къызэIуахы­жьынхэу агъэнафэ.

Бэдзэрхэм, предприятиехэм ыкIи организациехэм яадми­нистрациехэм санитарнэ-эпи­демиологие шапхъэхэр зэпымыоу агъэцэкIэнхэмкIэ пшъэ­дэкIыжь зэрахьырэм ЛIышъхьэм анаIэ тыраригъэдзагъ. Узым зызэриушъомбгъурэм изытет къызызэIыхьэкIэ зэпыгъэун Iоф­тхьабзэхэм къафагъэзэжьыщт.

— Оперативнэ штабым зэ­кIэ щырахъухьэгъэ уна­шъохэм ягъэ­цэкIэн муниципалитет пэпчъ узым зызэрэщиушъомбгъурэм изытет елъытыгъэнэу щыт. Адыгэ­къалэ мыщ ха­хьэрэп, унэм къимыкIхэу исынхэм ирежим гъэлъэшыгъэ шIыкIэм джыри мыщ ­щытетын фае, — хигъэу­нэ­фыкIыгъ КъумпIыл Мурат.

Адыгеим гъэсэныгъэм иучреждениехэр зэкIэри зы шап­хъэм тетыщтых.

КIэлэцIыкIухэм ягъэмэфэ зы­гъэпсэфыгъо ыкIи япсауныгъэ зыщагъэпытэщт уахътэр лъагъэ­кIотагъ, пIалъэр гъэнэфэ­гъэгоп.

АР-м гъэсэныгъэмрэ шIэныгъэмрэкIэ министрэу КIэрэщэ Анзаур Оперативнэ штабым изэхэсыгъо къызэрэщиIуагъэмкIэ, илъэс еджэгъур а 1 — 8-рэ, я 10-рэ классхэм жъоныгъуакIэм и 30-м, я 9-рэ ыкIи я 11-рэ классхэм — мэкъуогъум и 5-м аухы.

Iэшъынэ Сусан.