Адыгеим ятIонэрэ госпиталэу щагъэхьазырыгъэм иIофшIэн ригъэжьагъ.

Коронавирусыр къызэ­узыгъэ сымаджэхэр зэпахырэ узхэм зыщяIэзэхэрэ сымэджэщ закъор арэп зыштэхэрэр, джы ахэр Мыекъопэ къэлэ сы­мэджэщым ащэх. Мы уахъ­тэм нэбгырэ 30-м ехъу ащ чIэлъ.

Инэм сымэджэщым къыщызэIуахыщт ящэнэрэ госпиталым игъэхьа­зырын ыкIэм фэкIуагъ.

Карантин Iофтхьабзэ­хэм ауж, жъоныгъуакIэм и 12-м, Адыгэкъэлэ сы­мэджэщыр къызэIуахы­жьыгъ. ЯщыкIэгъэщт Iэзэгъу уцхэр икъу фэдизэу аIэкIагъэхьагъэх.

Джащ фэдэу Оперативнэ штабым изэхэсыгъо Адыгеим и ЛIышъхьэ анаIэ зытыраригъэдзагъэхэм ащыщ медучреждениехэм амалэу аIэкIэлъхэм ахэгъэхъогъэныр пшъэрылъ шъхьаIэу зэрэщытыр. Ащ­кIэ профильнэ ведомствэм ипащэ пшъэрылъ гъэнэфа­гъэхэр фишIыгъэх. Джащ фэдэу мы узым пэуцужьы­хэрэ медицинэм иIофы­шIэхэр ухъумэгъэнхэмкIэ ящыкIэгъэщт амалхэр зэкIэ икъу фэдизэу арагъэгъотынхэу къафигъэ­пытагъ ыкIи ахэм ахъщэ тедзэхэр зэраратыщтхэм ежь ышъхьэкIэ зэрэлъыплъэщтыр къыхигъэщыгъ.

Iэшъынэ Сусан.