КIэлэегъэджэ-методистэу, апшъэрэ еджэпIэшхоу Адыгэ къэралыгъо институтым идоцентыгъэу Даур Хьазрэт къызыхъугъэр илъэсишъэ зыщыхъурэ ишIэжь мафэкIэ зэхахьэу фашIыгъагъэм мы усэхэм сакъыщыфеджагъ. Адэмые чылэ цIыкIоу еджэгъэ-гъэсэгъабэ къыздэкIыгъэм мэфэкIыр щызэхащэгъагъ. Мыщ къекIолIэгъагъэх Мыекъуапэ къикIыгъэ ежь фэдэ цIыф гъэсагъэхэр, ригъэджагъэхэр, Iоф дэзышIагъэхэр, иIахьылхэр, чылэдэсхэр.Хьазрэт Батыр ыкъом ишIушIагъэ зыфэдагъэр сэ сигущыIэ закъокIэ къэ­Iуагъэ зэрэмыхъурэр сэшIэ, ау шъхьэ­кIэфэныгъэ фызиIэ цIыфыбэу зышIэщтыгъэхэр ситхыгъэхэм яджэхэмэ, агу къэз­гъэкIыжьынэу сэгугъэ лъэпкъ шIэны­гъэм хахъо фэзышIыгъэ лIы Iуш хъуп­хъэр.

Укъытхэт, Хьазрэт! ИгумэкIи игухэкIи Зэгъогогъу шъыпкъагъ. ИгушIуакIи игъэшIуакIи ХэткIи кIэрэкIагъ. Дахэу, шъабэу сэмэркъэоу, ЦIыф гушIубзыугъ. Iушэу, чэфэу, зимыгъэинэу, ТэркIэ — инышхуагъ. ШэнышIуагъэр инэшанэу, НыбжьыкIабэр зылъещ. Игулъытэ мыплъыкъоу ЛIэужхэр зэфещ. ШынкIэу, гумзагъэу ЩысэтехыпIагъ. Илэгъуи, нахьыкIи Яныбджэгъу зэфагъ. ТызэIукIэу къызыхэкIрэм, ШIукIэ тыгу укъэкI. Зэкъоныгъэм тыригъэрми, Гъуазэу къытпэгъокI. Къытитыгъэр тыны лъапIэу ШIэныгъэ лъэгъопс. КъытфишIагъэр зэпэшIэтэу — ГъэшIэ лъэгъо нэф. ЦIыфы мафэм ифэбагъэр ИгукIэгъу, Хьазрэт! Непэ о тызэхэмыхми Укъытхэт, Хьазрэт! УишIушIагъэ тэгъэшIошъумэ, Укъытхэт, Хьазрэт! УицIыфыгъэ тэIэтышъумэ, Укъытхэт, Хьазрэт!

Такъикъ заулэкIэ уидахэ сIошъуна… Такъикъ заулэкIэ уидахэ сIошъу— на — Илъэс пчъэгъабэм удэгъушъугъэу, ЕджэпIэ пчъагъэмэ уряпэщагъэу Адыгэ хэкум пцIэ щыраIуагъэу. ГъэсэпIэ шъхьаIэу хэкум иIагъэм — Уритхьаматэу улэжьэшъугъэу, Зэреджэщт тхылъхэр еджэкIо цIы— кIумэ — Къин афэмыхъоу афэптхышъугъэу. Зэо мэхъаджэм ущыбатырэу — Батырым ыкъор къэбгъэзэжьыгъэу, Бгъэхэлъхьэ лъапIэхэм укъагъэда— хэу — Хэгъэгум ыгу дебгъэштэшъугъэу. Шъхьэгъусэ гупсэу сабый быныр, Зыухъумагъэм уIуплъэжьыгъэу, Нэплъэгъу-шIулъэгъукIэ шъуигуфэбагъэ Гъогу нэфынэм шъурищэжьыгъэу. Уянэу Гонысэу, Даур янысэ, Уятэу Батырыр игонэсыгъэу, Уихэку кIасэ уринасыпэу Унэгъо дахэм ущапIушъугъэу. Адыгэ налмэсым ылъэсыхьагъэхэу Сабый гъэсагъэхэр къаIэтышъугъэу, Гъэсэпэтхыдэр Iушэу пIушIыкIэу КIэлэегъаджэхэр ебгъэджэшъугъэу. ЦIыфы гъэсагъэмэ уряпэрытэу УигъэшIэ гъогу утетышъугъэу, УзыщапIугъэу Адэмые цIыкIур — Инышхо пшIынэу уимурадыгъэу? Iахьылы гупсэу зэкIэ уиIагъэхэр ШIэныгъэм игъогу о рыпщэшъугъэу, Бысымы кIасэ ахэр къыпфэхъухэу Хъохъу орэдыр о афэпIуагъэу. Батырым ыкъоу — Хьазрэт цIэры— Iом Исабый дахэхэр щысэтехыпIэу, Ятэ ишIушIэ лъагъэкIотэжьэу Дунэе дахэм чIыпIэ щыряIэу. Дунэе нэфыр хэти ехъожьы… ШIушIагъэ иIэмэ, цIыфмэ къашIэжьы. Ащ фэдэм ыцIэ дахэу раIожьы. Лъэуж нэфи ащ къыфэнэжьы.

Хъут Сар. Егъэджэн-пIуныгъэм иветеран. къу. Адэмый.