Натхъо Бибарс къыгъэзэжьыщта?
Футболыр зышIогъэшIэгъонхэр ешIэкIо цIэрыIоу Натхъо Бибарс къыкIэупчIэх.
Израиль ит адыгэ къуаджэу Кфар-Камэ къыщыхъугъэ Натхъо Бибарс Урысыем ифутбол командэхэу «Рубин» Казань, ЦСКА Москва ащешIагъ. Югославие хэгъэгоу щыIагъэм икомандэу «Партизаным» Б. Натхъор мыгъэ щешIагъ. Израиль ихэшыпыкIыгъэ командэ хэтэу зэIукIэгъухэм ахэлэжьагъ.
— Израиль сыкъыщыхъугъ, Урысыер сиятIонэрэ хэгъэгоу сэлъытэ. Ныбджэгъубэ Урысыем щысиI, сафэзэщы. Командэ дэгъу зэзэгъыныгъэ дэсшIымэ, Урысыем сигуапэу къэзгъэзэжьыщт, — къыIуагъ Натхъо Бибарс.
Б. Натхъом иIахьылхэр Адыгеим щэпсэух, зэунэкъощхэр зэлъэкIох. Адыгеим ифутбол иветеранэу Натхъо Адамэ ыдэжь Бибарс заулэрэ щыIагъ. Адыгэ Республикэм и Мафэ ехъулIэу Мыекъуапэ къызэрэкIогъагъэр, зэIукIэгъу гъэшIэгъонэу иIагъэхэр щыгъупшэхэрэп.