Мы лъэхъаным цIыфхэр яунэхэм къарыкIыхэрэп. КъарыкIыгъэхэми, бла­гъэу зэкIэрыхьэхэрэп, аIапэхэр зэрагъэубытыхэрэп. Ау ахэм агухэр къыдэзы­щэещт­хэ чъыгхэм акIэрыхьанхи, IаплI аращэкIыни фитых.

БэшIагъэ чъыгхэм ахэлъ кIуачIэмкIэ цIыфхэм къа­зэрадэгуащэхэрэр шIэныгъэлэжьхэм загъэунэ­фыгъэр. Ар къыдалъыти, Ис­ландием имэзгъэкIхэр Дунэе акциеу «Обними дерево» зыфиIорэм кIэщакIо фэхъугъэх. Зэпа­хырэ узым зыщызыухъумэхэрэ цIыф жъугъэхэм къя­джа­гъэх чъыгхэм IаплI аращэкIынэу, флешмобым къыхэлэжьэнхэу.

Социальнэ хъытыум сурэт минхэр цIыфхэр чъыг­хэм акIэрытхэу е IаплI аращэкIэу къырагъахьэх. Iофтхьабзэм псынкIэу зи­ушъомбгъугъ, къэралыгъо зэфэшъхьафхэм ащы­псэу­хэрэ цIыфхэм ащ къы­ды­рагъэштагъ.

Кавказ биосфернэ заповедникэу илъэс къэс Дунэе Iофтхьэбзэ зэфэ­шъхьафхэм ахэлажьэрэми акциер къызэIуихыгъ. Ащ хэлажьэ зышIоигъохэм унэм къимыкIыхэми ар агъэцэкIэн алъэкIыщт. Чъыгым кIэрытхэу е IаплI ращэкIэу зытырарагъэ­хыгъэгъэ сурэтхэр яальбомхэмрэ яхъарзынэщ­хэмрэ къахагъотэжьышъущтых. Ахэр ежьхэм янэ­кIубгъохэм къарагъахьэхэу хештегхэу «обними­дерево» е «кавказский заповедник» зыфиIохэ­рэмкIэ хагъэунэфыкIыхэми флешмобым хэлэжьагъэ­хэкIэ алъытэщтых.

Анахь сурэт гъэшIэ­гъон­хэу акцием хэлажьэ­хэ­рэр Кавказ заповедни­кым In­stagram-м щыриIэ нэкIубгъом къырагъэхьащтых. Ар цIыфхэм коронавирусым зыщаухъумэу яунэхэм ары­сыфэхэкIэ кIощт.