Урысыем итхылъ Плъыжь дагъэхьэрэ къэбархэм зэхъокIыныгъэхэр ыкIи хэхъоныгъэхэр аужырэу зыфашIыгъэхэр 1997-рэ илъэсыр ары­гъэ. Илъэси 10 текIы къэс ар агъэкIэжьынэу щыт.

Урысые Федерацием чIыопсыр къэухъумэгъэнымкIэ и Ми­нистерствэ ипащэ игуадзэ къызэриIуагъэмкIэ, тхылъ Плъыжьым игъэкIэжьын охътабэ ыхьыгъ, сыда пIомэ ащ дагъэхьащт псэу­шъхьэхэм ацIэхэм якъыхэхын псынкIагъэп.

Федеральнэ Министерствэм ипащэу Дмитрий Кобылкиныр унашъом кIэтхагъ. Ащ тхылъ Плъыжьым дагъэхьащтхэр итых. 2019-рэ илъэсым Iоф зышIэгъэ комиссием бзыу лъэпкъхэу ыкIи псэушъхьэхэу тхылъ Плъы­жьым дагъэхьащтхэр къыхихыгъэх, ахэр 43-рэ мэхъух.

Кавказым ис домбайхэр, лео­пардхэр, сапсанхэр, нэмыкIхэри тхылъ Плъыжьым дэтхэм къаха­гъэнагъэх. Джынэс хэмыты­гъэ­хэу псым щыпсэурэ хьадэпчэмы­Iур, блэ лъэпкъ зэфэшъхьаф­хэр, нэмыкIхэри чэзыум хатхагъэх.

ШIэныгъэлэжьхэм тхылъым дэхьагъэхэм зэкIэми узэрафэсакъын ыкIи къызэрэбгъэгъунэнхэ фаер къаIуагъ.