Адыгэ республикэм ыкIи Пшызэ шъолъыр ябыс­лъымэнхэм я Дингъэ­IорышIапIэ ыцIэкIэ зэкIэ быс­лъымэнхэм мэзэ лъапIэу РэмаданымкIэ сыкъышъу­фэгушIо.

Рамаданыр — нэкIымрэ тхьалъэIухэмрэ ямэзэ лъапI, КъурIан лъапIэм иеджэгъу уахът, тыкъэзгъэ­хъугъэ Алахь закъор анахьэу загъэлъэпIэрэ маз.

ТхьэшIошъхъуныгъэ зиIэ пстэу­ми зафэсэгъазэ ыкIи ся­лъэIу нэкIмазэм игъом янэмазхэр унэм исхэу ашIынхэу. Псауныгъэм къегоон ылъэкIыщт уз емынэу коронавирусым тыпэуцуным пае, тиунэхэм тарымыкIэу, куп инхэм тахэмыхьэу мы мазэр итхын фае.

Мы уахътэм ти Джэмэхьат чIыпIэ къин ит, щэIагъэ тхэ­лъэу ар зэпытчынэу сэгугъэ. Къытфы­къокIыгъэ гумэкI иныр Алахьыр тиIэпыIэгъоу къызэтынэкIынэу сэлъаIо. Мы мазэм зэхэт нэмазэу «тарауихъкIэ» ты­заджэрэр тимэщытхэм ащытшIышъущтхэп, тызэды­хэIэжьышъущтэп. Ау, тызэпэчыжьэми, зыкIыныгъэ тхэлъэу тилъэIухэр тыкъэзгъэхъугъэу Алахь лъапIэм фэдгъэзэшъущт, мы охътэ къиныр нахь шIэхэу тыу­хынэу Тхьэм телъэIущт.

Псауныгъэрэ, кIуачIэрэ, амалрэ тащымыкIэу нэкIмазэр итхынэу, тишIушIагъэхэр бэгъонхэу ыкIи тинэкI Алахьым ыштэнэу Тхьэм селъэIу.

Адыгэ Республикэм ыкIи Пшызэ шъолъыр ащыпсэурэ быслъымэнхэм ямуфтиеу Къэрдэнэ Аскэрбый.