Коронавирусым тикъэралыгъо зыщимыушъомбгъуным фыте­гъэпсыхьэгъэ унашъохэу УФ-м и Президентэу Владимир Путиным къышIыгъэхэр гъэцэ­кIэгъэнхэм фэшI Пенсие­хэмкIэ фондым и Къутамэу АР-м щыIэм пенсиехэмрэ нэ­мыкI ахъщэ тынхэмрэ нахьыжьэу цIыфхэм аIэкIигъэхьагъэх.

Банкым счетэу щигъэпсыгъэм къызфихьэ хабзэхэм гъэтхапэм и 27-м къыщыублагъэу мэлылъфэгъум и 9-м нэс афатIупщыгъ. ПочтэмкIэ е пенсиехэр аIэкIэзгъахьэрэ Гуп­чэмкIэ къызэратыхэрэм мэлылъфэгъум и 15-м нэмысызэ аIэкIэ­хьагъ.

ТекIоныгъэм и Мафэ ипэгъокIэу агъэнэфэгъэ зэтыгъо ахъщэ тынэу сомэ мин 75-р ыкIи 50-р къызтефэ­хэрэми а уахътэм къафэкIуагъ. Ащ фэдэу Адыгеим исыр нэбгырэ 2362-рэ мэхъу.

УФ-м ПенсиехэмкIэ ифонд и Къутамэу АР-м щыIэм ипресс-къулыкъу.