Адыгэ Республикэм ис чыристанхэу лъытэныгъэ зыфэтшIыхэрэр! ТичIыпIэгъу лъапIэхэр! Пасхэ мэфэкI лъапIэм фэшI тышъуфэгушIо!

ТхьэшIошъхъуныгъэ зиIэ­хэмкIэ мы мафэр угу къэ­бзэн, цIыфыгъэшхо пхэлъын зэрэфаем итамыгъэу щыт. ЧIыопсыр къызэрэущыжьырэм дакIоу, мы мафэхэм цIыфхэр гушIогъошхом зэ­лъештэх. Пасхэм чыристанхэр зэкъуегъэуцох, цIыфхэр щыIэныгъэм фегъэблых, шIур ем зэрэтекIорэр ащ къы-хэщы, зэфагъэр, мамырныгъэр ренэу зэрэтекIощтхэм япхыгъэ шIошъхъуныгъэр егъэпытэ.

Адыгэ Республикэм щыпсэу­хэрэм ягупсэхэм, яIахьылхэм зэрафэгумэкIыхэрэмкIэ, ягуфэбэныгъэ зэрадагощырэмкIэ, фэныкъохэм IэпыIэгъу зэрафэхъухэрэмкIэ цIыфхэм осэшхо зыфашIырэ шIуагъэхэм, шэн-зэхэтыкIэшIухэм якъэухъумэнкIэ, ныбжьыкIэхэр цIыфыгъэ шэпхъэ лъагэхэм арыгъозэнхэмкIэ Iофышхо ашIэ.

Адыгэ Республикэм илъ зэгурыIоныгъэм игъэпытэн иIа­хьышхо зэрэхишIыхьэрэм фэшI Мыекъуапэрэ Адыгеимрэ яепархие тхьаегъэ­псэушхо етэIо. ТхьэшIошъ­хъуныгъэ зиIэхэми, Адыгэ Республикэм зэкIэ щыпсэу­хэрэми псауныгъэ пытэ яIэ­нэу, насыпышIонхэу, шIум щымыкIэнхэу, мамырэу псэун­хэу тафэлъаIо!

Адыгэ Республикэм и ЛIышъхьэу, Урысые политикэ партиеу «Единэ Россием» и Адыгэ регион къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожный