ХэбзэIахьхэмкIэ къулыкъури IэпыIэгъу афэхъущт
Бизнес цIыкIум ыкIи гурытым ащылажьэу, коронавирусым зызэриушъомбгъурэм иягъэ зэригъэкIыгъэхэм хэбзэIахьхэмкIэ Адыгеим иорганхэр адеIэщтых.
Мы лъэныкъом фэгъэзэгъэ Федеральнэ къулыкъум АР-мкIэ и ГъэIорышIапIэ къызэритыгъэмкIэ, тызыхэт илъэсым игъэтхэпэ мазэ и 1-м ыпэкIэ мыщ зыщязгъэтхыгъэхэр арых IэпыIэгъум къыхиубытэщтхэр. Ахэм хэбзэIахьхэр зыщатыщт пIалъэр афылъагъэкIотагъ. ГущыIэм пае, 2020-рэ илъэсым иапэрэ мэзищ шIомыкIэу зытын фэягъэхэм чъэпыогъум нэс, ятIонэрэ мэзищым хиубытэщтыгъэхэм тыгъэгъэзэ мазэм нэс уахътэ яI.
Ащ имызакъоу, хэбзэIахьхэмкIэ органхэм уплъэкIунэу зэхащэ хабзэхэр къызэтырагъэуцох, бизнес цIыкIум ыкIи гурытым ясубъект истыхьагъэу (банкрот) лъытэгъэным фэгъэхьыгъэ лъэIу тхылъхэр гъэтхапэм и 16-м къыщыублагъэу жъоныгъуакIэм и 1-м нэс аштэхэрэп.
ХЪУТ Нэфсэт.