IофшIэныр лъагъэкIуатэ
Предпринимательствэ цIыкIум ыкIи гурытым исубъектхэр социальнэ предприятиеу лъытэгъэнхэмкIэ документхэм ягъэхьазырын епхыгъэ IофшIэныр лъагъэкIуатэ.
Федеральнэ хэбзэгъэуцугъэу «Предпринимательствэ цIыкIумрэ гурытымрэ хэхъоныгъэ ашIыным фэгъэхьыгъ» зыфиIорэм къэIуакIэхэу «социальнэ предпринимательствэр», «социальнэ предприятиер» къызэрэхэхьагъэхэм фэшI мыщ фэдэ субъектхэр социальнэ предприятиеу лъытэгъэнхэмкIэ 2020-рэ илъэсым жъоныгъуакIэм и 1-м нэс документхэр къатынхэ алъэкIыщт.
ШъолъырымкIэ мы Iофыгъом фэгъэзагъэр Адыгэ Республикэм экономикэ хэхъоныгъэмкIэ ыкIи сатыумкIэ и Министерств ары. Ар зыдэщыIэр: къ. Мыекъуапэ, урамэу Пионерскэм иунэу N 199-рэ.
УпчIэжьэгъу къышъуфэхъунхэм пае телефон номерэу (8772) 52-37-67-м шъутеон (пшъэдэкIыжь зыхьырэр Балухтина Екатерина Сергей ыпхъур) е электроннэ адресэу e-mail:balyhtina@minecora.ru шъуихьан, специалистым шъуфэтхэн, документхэр фэжъугъахьынхэ шъулъэкIыщт. Джащ фэдэу Адыгэ Республикэм экономикэ хэхъоныгъэмкIэ ыкIи сатыумкIэ и Министерстви тхьапэхэр IэкIэжъугъэхьанхэ амал щыI. Мы спискэм хафэхэрэм агъэхьазырын, зэрэзекIонхэ, анахьэу анаIэ зытырадзэн фэе лъэныкъохэр къафаIотэщтых.
Интернет-порталыр къышъожэ
Адыгэ Республикэм экономикэ хэхъоныгъэмкIэ ыкIи сатыумкIэ и Министерствэрэ Корпорациеу «МСП» зыфиIорэмрэ зэгъусэхэу хэушъхьафыкIыгъэ къэбарлъыгъэIэс Интернет-порталэу «Экономика без вируса» зыцIэр атIупщыгъ.
Мыщ пшъэрылъ шъхьаIэу иIэр бизнес цIыкIум ыкIи гурытым хэщагъэхэм къэралыгъо IэпыIэгъоу агъотын алъэкIыщтым щыгъэгъозэгъэнхэр ары. Онлайн-упчIэжьэгъум ишIуагъэкIэ зыщыгугъынхэ алъэкIыщт къэралыгъо IэпыIэгъур предпринимательхэм зэрагъэшIэн амал яIэщт.
Интернет-порталэу «Экономика без вируса» зыфиIорэм узэрихьащтыр http://covid.economy.gov.ru/