IэпыIэгъур рагъэжьагъ
Зэпахырэ узэу «Коронавирус Covid-19»-м зызэриушъомбгъурэм зэрарэу къыхьырэр нахь макIэ шIыгъэным ыкIи Адыгеим иэкономикэ зыпкъ итэу хэхъоныгъэхэр егъэшIыгъэнхэм афытегъэпсыхьэгъэ унашъохэр АР-м и ЛIышъхьэу КъумпIыл Мурат джырэблагъэ къышIыгъэх.
Бизнес цIыкIум ыкIи гурытым афэгъэзагъэхэм IэпыIэгъу ятыгъэныр зэу ахэм ащыщ.
Республикэм ипащэ Iофтхьабзэу къыгъэнэфагъэхэм къадыхэлъытагъэхэм ягъэцэкIэн рагъэжьагъ. Бизнесым фэгъэзагъэу коронавирусым ыпкъ къикIыкIэ мы мазэр дэсыгъо зэрашIыгъэм иягъэ зэригъэкIыгъэхэм яIофхэм чIыфэхэм (микрозаймы) ятын фэгъэзэгъэ комиссиеу предпринимательхэм IэпыIэгъу ягъэгъотыгъэнымкIэ АР-м и Фонд щызэхащагъэр ахэплъагъ. Ащ фэдэу субъекти 9-мэ чIыфэу аштагъэр къафыкIалъытыкIыжьыгъ (реструктуризация) ыкIи зэратыжьыщтхэр мэзих пIалъэкIэ афызэкIахьагъ.
Джащ фэдэу бизнес цIыкIум ыкIи гурытым апылъхэм зы процент нахьыбэ зытемыгъэхъогъэ кредитхэр къаратынхэу Фондым и Совет зэхэсыгъоу иIагъэм щырахъухьагъ.
ХЪУТ Нэфсэт.