Мэлылъфэгъум и 18 — 19-м Адыгэ Республикэм чыристан диныр зылэжьхэрэм Пасхэр щыхагъэунэфыкIыщт.

Уз щынагъоу коронавирусыр зэпамыхынхэм фэшI цIыфхэр хэмытхэу тхьалъэIупIэ унэхэм, чылысхэм фэIо-фашIэхэр ащыкIощтых. А мафэхэм цIыфхэм ящынэгъончъагъэ ыкIи ярэхьатныгъэ къаухъумэщтых хэгъэгу кIоцI къулыкъум иIофышIэхэм.

Ащ нэмыкIэу Мыекъуапэ имэр иунашъокIэ охътэ гъэнэфагъэкIэ тикъэлэ шъхьаIэ дэт къэхалъэм цIыфхэр агъэкIощтхэп. Мы чIыпIэхэм мыжъошхохэр ащагъэтIылъыгъэх, полицием иIофышIэхэм къулыкъур ащахьыщт.

АР-м хэгъэгу кIоцI IофхэмкIэ и Министерствэ цIыфхэм зафагъазэ, ищыкIэгъэ дэдэу щымытмэ яунэхэр къамыбгы­нэнхэу, яIахьыл-гупсэхэм ящыIэныгъэ къаухъумэнэу.