УФ-м и Конституцие гъэтэрэзыжьынхэр фэшIыгъэнхэм епхыгъэ предложениеу Урысыем и Президентэу Владимир Путиным къыхьыгъэм псауныгъэм икъэу­хъумэн анахьэу къыщыхэгъэщыгъэ лъэны­къохэм ащыщ. Ащ къызэриIорэмкIэ, Урысыем ицIыф пэпчъ зыщыпсэурэ псэупIэм емылъытыгъэу шэпхъэшIухэм адиштэрэ медицинэ IэпыIэгъур къыIэ­кIэхьан фае. Федеральнэ, шъолъыр, чIыпIэ хэбзэ къулыкъухэм а IофшIэныр зэрифэшъуашэу зэхащэныр япшъэрылъ.

СТ.72. «Урысыем ыкIи къэралыгъом ишъолъырхэм зэдыряIоф … медицинэ IэпыIэгъур зэрифэшъуашэу ыкIи цIыфхэм апэблагъэу щытыныр, обществэм ипсауныгъэ гъэпытэгъэныр ыкIи ар ащ фэдэу щытыным лъыплъэгъэныр, цIыфхэм япсауныгъэ изытет лъыплъэнхэм фэщэгъэнхэр».

СТ. 132. «ЧIыпIэ зыгъэIорышIэжьыпIэхэм … ежьхэм амалэу яIэмкIэ медицинэ IэпыIэгъур цIыфхэм нахь апэблагъэ хъуным дэлэжьэнхэр».

Гъонэжьыкъо Сэтэнай.