— Лъытэныгъэ зы­фэсшIыхэрэ Адыгэ Рес­публикэм щыпсэухэрэр! ГухэкI нахь мышIэми, зэпахырэ узэу корона­вирусым ыпкъ къикIыкIэ апэрэ сымаджэм рес­публикэм идунай щихъо­жьыгъ. Тиврачхэм алъэкI къагъэнагъэп, медика­ментхэри щыIагъэх.

Сымаджэр тхьабылхэм Iоф языгъэшIэрэ аппаратым пыгъэнэгъагъ, ау узыр зэкIэкIуагъэп. Зидунай зыхъожьыгъэм иунагъо, игупсэхэм ыкIи къыпэблагъэхэм гухэ­кIы­шхо сщыхъоу сафэтхьаусыхэ. ЗэкIэми чIэнэгъэшхо тшIыгъэ. Нэбгырэ пэпчъ ищыIэныгъэ тэркIэ мэхьанэшхо иI. Ау непэ тищыIэныгъэ анахьэу зэпхыгъэр унэм ти­сыным фытегъэпсыхьэгъэ режимыр зэрэдгъэцакIэрэр ары.

Лъытэныгъэ зыфэс-­шIыхэрэ республикэм щыпсэухэрэр! Шъузфэсакъыжь, шъуигупсэхэм ыкIи къышъупэблагъэхэм шъуафэсакъ. Шъуипсауныгъэ шъуегупшыс, режимым къыдилъытэрэ лъэныкъохэр жъугъэцакIэх. Мыщ фэдэ тхьамыкIагъохэм нахь макIэу тяолIэным фэшI мы шIыкIэ закъор ары непэ дгъэфедэн тлъэкIыщтыр.

Тызэгъусэхэу, шапхъэу щыIэхэр дгъэцакIэхэмэ, зэпахырэ узыр къызэтедгъэуцон, тиунагъо­хэр къэтыухъумэнхэ тлъэ­кIыщт.