ГъэпцIакIохэм шъуафэсакъ
Уц нэпцIэу БАД-р зыщэфыгъэхэм компенсацие къаратыжьынэу араIозэ гъэпцIагъэхэр адызэрахьэх. Илъэс зэкIэлъыкIохэм гъэпцIакIохэм а зы шIыкIэр къызфагъэфедэ. НахьыбэрэмкIэ агъапцIэхэрэр зыныбжь хэкIотагъэхэр арых.
ХэбзэухъумэкIо къулыкъум иIофышIэу ариIозэ гъэпцIакIор телефонымкIэ нэжъ-Iужъхэм афытео. Уц нэпцIэу БАД-р зыщэщтыгъэ гъэпцIэкIо купыр къаубытыгъэу ареIо ыкIи компенсациер къаратыжьынэу агурегъаIо. Ау ар къаратыжьыным фэшI хэбзэIахьэу аугъоирэр ыкIи къэралыгъо пошлинэр атын фаеу араIо.
Ныбжь зиIэм ар ышIошъ мэхъу ыкIи икартэ тетхэгъэ кодыр гъэпцIакIом зыриIокIэ, ащ илъ ахъщэр ретыгъукIы.
ШъумышIэрэ цIыфыр къышъуфытеоу банкым иIофышIэу къызышъуиIокIэ шъушIошъ шъумыгъэхъу, ащ фэдэм шъудэмыгущыIэу телефоныр жъугъэтIылъыжь, бзэджашIэхэм зяшъумыгъэгъэдел.