Гъэлъэшыгъэ шIыкIэм тетэу Iоф зашIэрэ режимым илъэхъан зэрэзекIонхэ фэе шапхъэхэр зэраукъохэрэм пае Адыгэ Республикэм икъэралыгъо хабзэ игъэцэкIэкIо къулыкъухэу ыкIи ахэм IэнатIэхэр ащызыIыгъхэу Урысые Федерацием административнэ хэбзэукъоныгъэхэмкIэ и Кодекс ия 20.6.1-рэ статья къыщыдэлъытэгъэ административнэ хэбзэукъоныгъэхэм афэгъэхьыгъэ протоколхэр зэхэзыгъэуцонхэу полномочие зиIэхэм яхьылIагъ

Урысые Федерацием административнэ хэбзэукъоныгъэхэмкIэ и Кодекс ия 28.3-рэ статья ия 6.4-рэ Iахь диштэу унашъо сэшIы:

1. Гъэлъэшыгъэ шIыкIэм тетэу Iоф зашIэрэ режимым илъэхъан зэрэзекIонхэ фэе шапхъэхэр зэраукъохэрэм пае Адыгэ Республикэм икъэралыгъо хабзэ игъэцэкIэкIо къулыкъухэу ыкIи ахэм IэнатIэхэр ащызыIыгъхэу Урысые Федерацием административнэ хэбзэукъоныгъэхэмкIэ и Кодекс ия 20.6.1-рэ статья къыщыдэлъытэгъэ административнэ хэбзэукъоныгъэхэм афэгъэхьыгъэ протоколхэр зэхэзыгъэуцонхэу полномочие зиIэхэр гуадзэм диштэу ухэсыгъэнхэу. 2. Официальнэу къызыхаутырэ мафэм щегъэжьагъэу мы Указым кIуачIэ иIэ мэхъу.

Адыгэ Республикэм и ЛIышъхьэу КЪУМПIЫЛ Мурат къ. Мыекъуапэ, мэлылъфэгъум и 10, 2020-рэ илъэс № 44

Адыгэ Республикэм и ЛIышъхьэ 2020-рэ илъэсым мэлылъфэгъум и 10-м ышIыгъэ Указэу № 44-р зытетым игуадз

Гъэлъэшыгъэ шIыкIэм тетэу Iоф зашIэрэ режимым илъэхъан зэрэзекIонхэ фэе шапхъэхэр зэраукъохэрэм пае Адыгэ Республикэм икъэралыгъо хабзэ игъэцэкIэкIо къулыкъухэу ыкIи ахэм IэнатIэхэр ащызыIыгъхэу Урысые Федерацием административнэ хэбзэукъоныгъэхэмкIэ и Кодекс ия 20.6.1-рэ статья къыщыдэлъытэгъэ административнэ хэбзэукъоныгъэхэм афэгъэхьыгъэ протоколхэр зэхэзыгъэуцонхэу полномочие зиIэхэр

1. Адыгэ Республикэм псауныгъэр къэухъумэгъэнымкIэ и Министерствэ:

1) зэкIапхьэ зыщымыхъущт е лъэш дэдэу зыщищыкIэгъэ лъэхъанхэм стоматологие IэпыIэгъоу аратырэр хэмытэу, стоматологие фэIо-фашIэхэм ягъэцэкIэн къызэтегъэуцогъэнымкIэ;

2) медицинэ организациехэм, аптекэхэм, ахэм япроизводственнэ-технологическэ IофшIэн зэпымыуным фэгъэзэгъэ IофшIапIэхэм ачIэтхэр метрэ 1,5-м нахь мымакIэу зэпэIудзыгъэнхэмкIэ (ыужкIэ социальнэ дистанцированиер къыдэлъытэгъэныр тIозэ дгъэкIощт).

Гъэлъэшыгъэ шIыкIэм тетэу Iоф зашIэрэ режимым илъэхъан зэрэзекIонхэ фэе шапхъэхэр зараукъохэрэм пае Урысые Федерацием административнэ хэбзэукъоныгъэхэмкIэ и Кодекс ия 20.6.1-рэ статья къыщыдэлъытэгъэ административнэ хэбзэукъоныгъэхэм афэгъэхьыгъэ протоколхэр зэхэзыгъэуцону полномочие зиIэр (ыужкIэ фитыныгъэ зиIэр тIозэ дгъэкIощт) Адыгэ Республикэм псауныгъэр къэухъумэгъэнымкIэ и Министерствэ лицензированиемкIэ иотдел ипащ.

2. Адыгэ Республикэм культурэмкIэ и Министерствэ:

1) культурэмкIэ къэралыгъо учреждениехэу Адыгэ Республикэм культурэмкIэ и Министерствэ къыфэIорышIэхэрэм яIофшIэн къызэтегъэуцогъэнымкIэ;

2) цIыфхэр жъугъэу зыхэлэжьэрэ Iофтхьабзэхэр зэхэмыщэгъэнхэмкIэ. ЫпшъэкIэ зигугъу къэтшIыгъэ административнэ хэбзэукъоныгъэхэм афэгъэхьыгъэ протоколхэр зэхэзыгъэуцонэу фитыныгъэ зиIэр Адыгэ Республикэм культурэмкIэ и Министерствэ кадрэхэмкIэ ыкIи правовой IофшIэнымкIэ иотдел ипащ.

3. Адыгэ Республикэм гъэсэныгъэмрэ шIэныгъэмрэкIэ и Министерствэ:

гъэсэныгъэ язытырэ организациехэм, кIэлэцIыкIухэм гъэсэныгъэ тедзэ языгъэгъотыхэрэм пIалъэ горэкIэ кIэлэеджакIохэр ямыкIолIэнхэмкIэ, ащ къыхиубытэхэрэп дежурнэ купхэу зэхащагъэхэр, а купхэм ахэтхэм социальнэ дистанцированиер къыда- лъытэнымкIэ.

Протоколхэр зэхэзыгъэуцонхэу фитыныгъэ зиIэхэр:

1) Адыгэ Республикэм гъэсэныгъэмрэ шIэныгъэмрэкIэ и Министерствэ иотделэу гъэсэныгъэм, лицензированием, аккредитацием гъунэ алъызыфырэм ипащ;

2) Адыгэ Республикэм гъэсэныгъэмрэ шIэныгъэмрэкIэ и Министерствэ иотделэу гъэсэныгъэм, лицензированием, аккредитацием гъунэ алъызыфырэм иконсультант;

3) Адыгэ Республикэм гъэсэныгъэмрэ шIэныгъэмрэкIэ и Министерствэ иотделэу гъэсэныгъэм, лицензированием, аккредитацием гъунэ алъызыфырэм испециалистэксперт шъхьаI.

4. Адыгэ Республикэм псэолъэшIынымкIэ, транспортымкIэ, псэупIэ-коммунальнэ, гъогу хъызмэтымкIэ и Министерствэ:

1) цIыфхэмрэ хьылъэхэмрэ Адыгэ Республикэм щызещэгъэнхэмкIэ;

2) социальнэ дистанцированиер псэолъэшIыным, транспорт, псэупIэ-коммунальнэ, гъогу хъызмэтым иорганизациехэм къащыдэлъытэгъэнымкIэ;

3) социальнэ дистанцированиер общественнэ транспортым къыщыдэлъытэгъэнымкIэ.

Протоколхэр зэхэзыгъэуцонхэу фитыныгъэ зиIэхэр:

1) Адыгэ Республикэм псэолъэшIынымкIэ, транспортымкIэ, псэупIэ-коммунальнэ, гъогу хъызмэтымкIэ и Министерствэ псэолъэшIынымкIэ ыкIи псэолъэшIын индустриемкIэ иотдел ипащ;

2) Адыгэ Республикэм псэолъэшIынымкIэ, транспортымкIэ, псэупIэ-коммунальнэ, гъогу хъызмэтымкIэ и Министерствэ псэолъэшIынымкIэ иотдел ипащ;

3) Адыгэ Республикэм псэолъэшIынымкIэ, транспортымкIэ, псэупIэ-коммунальнэ, гъогу хъызмэтымкIэ и Министерствэ гъогухэм яшIынкIэ иотдел ипащ;

4) Адыгэ Республикэм псэолъэшIынымкIэ, транспортымкIэ, псэупIэ-коммунальнэ, гъогу хъызмэтымкIэ и Министерствэ транспортымкIэ иотдел ипащ.

5. Адыгэ Республикэм экономикэ хэхъоныгъэмрэ сатыумрэкIэ и Министерствэ:

1) ресторанхэм, кафехэм, бархэм, ахэм яхьыщыр нэмыкI чIыпIэхэм цIыфхэм ягъэшхэнкIэ фэIо-фашIэхэр къащызэтегъэуцогъэнхэмкIэ, цIыфхэр ащ фэдэ чIыпIэхэм къямыкIуалIэхэу заказхэр зэралъагъэIэсыхэрэр ащ къыхиубытэхэрэп;

2) кIэлэцIыкIу джэгупIэхэм, кIэлэцIыкIур зыщагъэджэгурэ гупчэхэм, зыгъэпсэфыпIэ-сатыу гупчэхэм, сатыу гупчэхэм, комплексхэм яIофшIэн къызэтегъэуцогъэнымкIэ, ахэм ахэт аптекэхэм, аптечнэ пунктхэм, связым епхыгъэ розничнэ фэIо-фашIэхэм ягъэцэкIэнкIэ зэзэгъыныгъэхэр защадашIыхэрэм, мобильнэ телефонхэр, планшетхэр ыкIи нэмыкIхэр зыщащэхэрэм, зоотовархэр розничнэу зыщащэхэрэм, гъомылапхъэхэу, цIыфхэр бэрэ зыфэныкъорэ товархэу Урысые Федерацием и Правительствэ 2020-рэ илъэсым гъэтхапэм и 27-м ышIыгъэ унашъоу № 762-р зытетымкIэ аухэсыгъэхэр (Правовой къэбархэмкIэ официальнэ интернет-порталыр (www.pravo.gov.ru), гъэтхапэм и 30, 2020) зыщащэхэрэм ар афэгъэхьыгъэп; джащ фэдэу зигугъу къэтшIыгъэ чIыпIэхэм социальнэ дистанцированиер къащыдэлъытэгъэнымкIэ;

3) парикмахерскэхэм, косметическэ салонхэм, СПА-салонхэм, массаж зыщашIырэ салонхэм, соляриехэм, хьамамхэм, саунэхэм ыкIи ахэм яхьыщырхэм яIоф-шIэн къызэтегъэуцогъэнымкIэ, пэIудзыгъэу ахэм агъэцэкIэрэ, алъагъэIэсырэ фэIо-фашIэхэр ащ къыхиубытэхэрэп.

Протоколхэр зэхэзыгъэуцонхэу фитыныгъэ зиIэхэр:

1) Адыгэ Республикэм экономикэ хэхъоныгъэмрэ сатыумрэкIэ и Министерствэ промышленностымкIэ, гъэстыныпхъэ-энергетическэ комплексымкIэ и ГъэIорышIапIэ ипащэ игуадз;

2) Адыгэ Республикэм экономикэ хэхъоныгъэмрэ сатыумрэкIэ и Министерствэ промышленностымкIэ, гъэстыныпхъэ-энергетическэ комплексымкIэ и ГъэIорышIапIэ испециалист-эксперт шъхьаI

6. Адыгэ Республикэм граждан оборонэмкIэ ыкIи ошIэ-дэмышIэ IофхэмкIэ и Комитет:

1) Адыгэ Республикэм исхэм (щыIэхэм) зыщыпсэухэрэ (зыдэщыIэхэ) чIыпIэр къамыбгынэнымкIэ Адыгэ Республикэм и ЛIышъхьэ 2020-рэ илъэсым мэлылъфэгъум и 3-м ышIыгъэ Указэу №41-р зытетэу «Коронавирусым Адыгэ Республикэм зыщи- мыушъомбгъунымкIэ Iофтхьабзэу зэрахьащтхэм яхьылIагъ» зыфиIорэм (Адыгэ Республикэм икъэралыгъо хабзэ игъэцэкIэкIо къулыкъухэм яофициальнэ интернет-сайт (www.adygheya.ru), мэлылъфэгъум и 3, 2020) щыгъэнэфагъэхэм ар афэгъэхьыгъэп;

2) цIыфхэр жъугъэу зыхэлэжьэрэ Iофтхьабзэхэр зэхэмыщэгъэнхэмкIэ;

3) цIыфхэм социальнэ дистанцированиер общественнэ чIыпIэхэм къащыдалъытэнымкIэ. Протоколхэр зэхэзыгъэуцонэу фитыныгъэ зиIэр Адыгэ Республикэм граждан оборонэмкIэ ыкIи ошIэ-дэмышIэ IофхэмкIэ и Комитет ошIэ-дэмышIэ Iофхэр къэмыгъэхъугъэнхэмкIэ ыкIи ахэм къыздахьыгъэхэр дэгъэзыжьыгъэнхэмкIэ, машIом зыкъимыштэнымкIэ иотдел ипащ.

7. Адыгэ Республикэм туризмэмкIэ ыкIи курортхэмкIэ и Комитет:

хьакIэщхэм, санаториехэм, курортхэм, нэмыкI зыгъэпсэфыпIэхэм ячIыпIэхэр бронировать амышIынхэмкIэ ыкIи ахэм цIыфхэр ачIамыгъэтIысхьанхэмкIэ.

Протоколхэр зэхэзыгъэуцонэу фитыныгъэ зиIэр Адыгэ Республикэм туризмэмкIэ ыкIи курортхэмкIэ и Комитет туризмэмкIэ иотдел ипащ.

8. Адыгэ Республикэм физическэ культурэмрэ спортымрэкIэ и Комитет:

цIыфхэр жъугъэу зыхэлэжьэрэ спорт Iофтхьабзэхэр зэхэмыщэгъэнхэмкIэ.

Протоколхэр зэхэзыгъэуцонэу фитыныгъэ зиIэр Адыгэ Республикэм физическэ культурэмрэ спортымрэкIэ и Комитет правовой IофыгъохэмкIэ испециалист-эксперт шъхьаI.