Урысые Федерацием и Президент 2020-рэ илъэсым мэлылъфэгъум и 2-м къыдигъэкIыгъэ унашъоу къэралыгъом щыпсэухэрэр зэпахырэ узэу коронавирусым щыухъумэгъэнхэм фытегъэпсыхьагъэм игъэцэкIэн ыкIи Адыгэ Республикэм и Законэу «АР-м и ЛIышъхьэ фэгъэхьыгъ» зыфиIорэм къапкъы­рыкIызэ, Адыгеим и ЛIышъхьэу КъумпIыл Мурат АР-м икъэралыгъо гъэцэкIэкIо къулыкъухэм, Адыгэ Республикэм и ЛIышъхьэрэ АР-м иминистрэхэм я Кабинетрэ я Администрацие унашъо афишIыгъ:

— 2020-рэ илъэсым мэлылъфэгъум и 4-м щегъэжьагъэу и 30-м нэс Iоф зышIэщт къэралыгъо граждан къулыкъушIэхэм япчъагъэ гъэнэфэгъэныр.

— УФ-м и Президент 2020-рэ илъэсым мэлылъфэгъум и 2-м къыдигъэкIыгъэ Унашъом ипунктхэу 1-р ыкIи я 4-р подведомственнэ организациехэм агъэцэкIэнхэм анаIэ тырагъэтыныр (къэбар зэрыжъугъотэщт официальнэ интернет-порталыр (www.pravo.gov.ru), мэлылъфэгъум и 2, 2020-рэ илъэс).

Джащ фэдэу 2020-рэ илъэсым мэлылъфэгъум и 4-м щыублагъэу и 30-м нэс Iоф зышIэщт къэралыгъо граждан къулыкъушIэхэм япчъагъэ нэмыкI къэралыгъо хэбзэ къулыкъухэм агъэнэфэнэу унашъом къыщеIо.