ХэбзэIахь къулыкъум и Федеральнэ ГъэIорышIапIэу Адыгэ Республикэм щыIэм жъоныгъуакIэм и 1-м нэс къаIыхынхэр къызэтырегъэуцох. Мыщ фэдэ унашъо ашIыным лъапсэ фэхъугъэр тикъэралыгъо зэпахырэ узэу коронавирусыр къызэрэщекIокIырэр ары.

Джащ фэдэу республикэм ихэбзэIахь къулыкъу унашъо ышIыгъ хьакъулахьхэмкIэ, къэугъоинхэмкIэ, страховой тын­хэмкIэ, тегъэхъонхэмкIэ счетхэр къызэтырагъэуцонхэу, ащ нэмыкIэу шъолъыр предпринимательствэ цIыкIум ыкIи гурытым изыкI реестрэ зыщызытхыгъэхэу хьакъулахьыр зытыхэрэм тазырхэр атырамылъхьанхэу.

Адыгэ Республикэм экономикэ хэхъоныгъэмкIэ ыкIи сатыумкIэ и Министерствэ къызэритыгъэмкIэ, хэбзэIахьым итын зэрэзэкIахьагъэмкIэ хьа­къулахь къулыкъум зыфэбгъэзэнэу ищыкIагъэп. Ащ дакIоу гъэтхапэм и 25-м нэс хэбзэIахьхэр къаIыхыгъэнхэмкIэ унашъоу ашIыгъэр къызэкIагъэкIожьыщтэп.

КIАРЭ Фатим.