ЯIофшIэн рагъэжьэжьыщт
Тигъэзет къызэрэхиутыгъэу, зэпахырэ узэу коронавирусым пэуцужьыгъэнымкIэ Оперативнэ штабым изэхэсыгъоу мэлылъфэгъум и 6-м щыIагъэр Адыгэ Республикэм и ЛIышъхьэу КъумпIыл Мурат зэрищагъ. Зэхэсыгъом зэрэщагъэнэфагъэмкIэ, Мыекъуапэ ибэдзэрхэм апэIут тучанхэу гъомылапхъэхэр зыщащэхэрэр къызэIуахыжьыщтых.
Мыекъуапэ имэрэу Андрей Гетмановым пшъэрылъэу афишIыгъэм диштэу, мэлылъфэгъум и 8-м къыщегъэжьагъэу ыпэкIэ зигугъу къэтшIыгъэ тучанхэм яIофшIэн рагъэжьэжьы.
Мыщ дэжьым зигугъу къэтшIырэр гъомылапхъэхэр зыщэхэрэ сатыушIыпIэ объектхэр ары. Джащ фэдэу республикэм икъэлэ шъхьаIэ дэт хэтэрыкIхэр зыщащэхэрэ шъхьафэу щыт тучанхэми яIофшIэн лъагъэкIотэщт. (Тикорр.).