Адыгеим ыкIи Пшызэ шъолъыр ащыпсэурэ быслъымэнхэм ямуфтиеу Къэрдэнэ Аскэрбыйрэ Мыекъуапэ ыкIи Адыгэ епархием яархиепископэу Тихонрэ диныр зылэжьыхэрэм закъафагъазэзэ, вирусым зимыушъомбгъуным пэшIуекIощт шапхъэу агъэнэфагъэхэр агъэцэкIэнхэу къялъэIугъэх.

— Урысыем щыпсэухэрэм янахьыбэм алэжьырэ динмэ тырялIыкIу. Унэм шъуисынэу тыкъы­шъоджэ. Ушъхьагъу горэ щыIэу унэм шъукъикIын фаеу хъугъэмэ, шъузщыпсэурэм шъупэблагъэу къыщышъукIухьанэу тышъолъэIу. Мыщ фэдэ пэшIорыгъэшъ гъэлъэшыгъэ Iофтхьабзэхэр вирусыр къытэмыутэкIыным фытегъэпсыхьагъэх. Нэбгырэ пэпчъ узым щиухъумэнэу, къызэутэкIыгъэхэм ынэшIу къащифэнэу Тхьэ лъапIэм телъэIу, — къаIуагъ ахэм.

(Тикорр.).