«Зы мафэм илъэсым уегъашхэ» зыфиIорэ гущыIэжъыр анахьэу мэкъу-мэщым щагъэфедэ. Ар къыдилъыти, АР-м и ЛIышъхьэ унашъо ышIыгъ мэкъумэщ ыкIи унэе хъызмэтшIапIэхэм гъэтхэ IофшIэнхэр къащызэтырамыгъэуцонхэу. ЧIыгъэшIухэр аIэкIагъэхьанхэмкIэ, гъэтхасэхэм япхъынкIэ ищыкIагъэхэр зэкIэ мы мафэхэм арашIылIэнхэу мэкъумэщышIэхэм закъыфигъэзагъ.

Кощхьэблэ районым имэкъумэщышIэхэм проценти 100-м кIахьэу мэкъумэщ кампанием иплан агъэцэкIагъ. Мы мафэхэм гъэтхасэхэм япхъын рагъэжьагъ. Апхъынэу щыт гектар 16610-м щыщэу гектар 6673-р апхъыгъах. Ахэм ащыщэу хьэр — гектар 350-рэ, зэнтхъыр — 520-рэ, соер — гектар 78-рэ, натрыфыр ыкIи тыгъэгъазэр гектар 1923-рэ ыкIи 3802-рэ мэхъух.

КIарэ Фатим.