Адыгэ Республикэм и ЛIышъхьэу КъумпIыл Мурат иунашъокIэ зэпахырэ узэу коронавирусыр шъолъырым къызэрэщекIокIырэм епхыгъэу илъэс 65-м къехъугъэхэ зизакъо псэухэу, сэкъатныгъэ зиIэхэу мы мафэхэм чIыпIэ къин ифагъэхэм ыпкIэ зыхэмылъ гъомылапхъэхэр ыкIи унагъом щагъэфедэрэ пкъыгъохэр афагощых.

Районхэм ащыIэ волонтерхэм ыпшъэкIэ зигугъу къэтшIыгъэ купхэм ахахьэхэрэм гъомылапхъэхэр ыкIи унагъом щагъэфе­дэрэ пкъыгъохэр зэрылъ Iалъмэкъхэр аIэкIагъахьэх. Ащ нэмыкIэу волонтерхэм илъэс 65-м ехъугъэхэу унэм къимыкIэу исхэм яахъщэкIэ гъомылапхъэ­хэр ыкIи медицинэ уцхэр арагъэгъотынхэмкIэ яфэIо-фашIэхэр афагъэцакIэх. IэпыIэгъу зищыкIагъэхэр мыщ фэдэ номерхэмкIэ теонхэ алъэкIыщт: 8 (8772) 52-80-86, 8 (8772) 52-58-03, 8 (8772) 52-27-65, 8 (8772) 56-88-93, 8 (8772) 55-50-97. КIарэ Фатим.