Урысые Федерацием социальнэ страхованиемкIэ и Фонд Адыгэ РеспубликэмкIэ икъутамэ цIыфхэм яупчIэхэм джэуап къаретыжьы
1. Коронавирусым зиушъомбгъуным ищынагъо зэрэщыIэм епхыгъэу Урысые Федерацием социальнэ страхованиемкIэ и Фонд Адыгэ РеспубликэмкIэ икъутамэ сыд фэдэ унашъохэр ара зэрыгъуазэрэр? Ахэм адиштэу хэта IэпыIэгъу зэратыщтхэр?
Мы лъэныкъомкIэ Урысые Федерацием и Правительствэ унэшъуитIу ыштагъ. 2020-рэ илъэсым гъэтхапэм и 18-м ащ иунашъоу № 294-р зытетым къызэрэщыдэлъытагъэмкIэ, пIалъэ горэкIэ Iоф ашIэн зэрамылъэкIыщтым фэшI ахъщэ IэпыIэгъу зэратыщтхэр Iоф зышIэхэу IэкIыб къэралыгъохэм къарыкIыжьыгъэхэр, ахэм къадэпсэухэу унэхэм арысынхэ фаеу хъугъэхэр ары. ЭЛН-р уполномоченнэ медицинэ организациищмэ: Мыекъопэ къэлэ поликлиникэм, Тэхъутэмыкъое гупчэ район сымэджэщым, Адыгэкъалэ дэт сымэджэщэу Батмэным ыцIэ зыхьырэм ащызахагъэуцо.
ЭЛН-м изэхэгъэуцонкIэ ыкIи ахъщэ IэпыIэгъур къаратынымкIэ заявкэр Фондым исайтэу http://r01.fss.ru/ зыфиIорэмкIэ аIэкIагъэхьан фае. Къэралыгъо гъунапкъэр зэрэзэпачыгъэр къэзыгъэшъыпкъэжьырэ документхэм ясканхэр ащ игъусэнхэ фае.
Урысыем и Правительствэ 2020-рэ илъэсым мэлылъфэгъум и 1-м ыштэгъэ унашъоу № 402-р зытетым къызэрэщыдэлъытагъэмкIэ, Iоф зышIэхэу зыныбжь илъэс 65-м къехъугъэхэу 2020-рэ илъэсым мэлылъфэгъум и 6-м къыщегъэжьагъэу мэлылъфэгъум и 19-м нэс яунэхэм арысыщтхэм апае ЭЛН-р зыгъэхьазырырэр уполномоченнэ медицинэ организациеу Москва щыIэр ары. Зыныбжь илъэс 65-м къехъугъэхэм ахъщэ IэпыIэгъу къаIукIэнымкIэ ищыкIэгъэ документхэмрэ къэбархэмрэ ахэм IофшIэн къязытыхэрэм 2020-рэ илъэсым мэлылъфэгъум и 6-м къыщегъэжьагъэу Фондым ирегион къутамэ IэкIагъэхьанхэ фае. Къэбархэр (реестрэхэр) Фондым ишлюзкIэ электрон шIыкIэкIэ е тхьапэм тетэу Фондым ирегион къутамэ е Фондым иуполномоченнэ специалистхэу муниципальнэ образованиехэм ащыIэхэм аIэкIагъахьэх.
2. Коронавирусым зиушъомбгъуным ищынагъо зыщыщыIэ лъэхъаным хэта больничнэ къаIызыхын зылъэкIыщтхэр?
Коронавирусым зиушъомбгъуным ищынагъо зыщыщыIэ лъэхъаным больничнэ къаIызыхын зылъэкIыщтхэр Iоф зышIэхэу страховать зязыгъэшIыгъэхэу IэкIыб къэралыгъохэм къарыкIыжьыгъэхэр, ахэм адэпсэухэрэр, зыныбжь илъэс 65-м къехъугъэу Iоф зышIэхэрэр ары.
3. ПIалъэ горэкIэ Iоф ашIэн зэрамылъэкIырэр къэзыушыхьатырэ тхьапэмкIэ ахъщэу къаратырэм зэхъокIыныгъэ горэ фэхъугъа?
2020-рэ илъэсым мэлылъфэгъум и 1-м аштэгъэ Федеральнэ законэу N 104-р зытетым иа 1-рэ статья къызэрэщыдэлъытагъэмкIэ, пIалъэ горэкIэ Iоф ашIэн зэрамылъэкIырэм пае ахъщэу къаратырэр лэжьэпкIэ анахь цIыкIум нахь мэкIэнэу щытэп.
4. КIэлэцIыкIухэр зэрыс унагъохэм джыдэдэм IэпыIэгъу тедзэхэр аратыха?
Коронавирусым ыпкъ къикIыкIэ унэхэм арысынхэ фаеу зыщыхъугъэ лъэхъаным кIэлэцIыкIухэр зиIэ унагъохэм яхахъохэм къакIемыгъэчыгъэным тегъэпсыхьагъэу зыныбжь илъэсрэ ныкъорэ имыкъугъэ кIэлэцIыкIум къызэрэдекIокIыхэрэм пае Фондым икъутамэ иунашъокIэ ахъщэ IэпыIэгъур 2020-рэ илъэсым имэлылъфэгъу нахь пасэу къаратыщт.
ПочтэкIэ къаIызыхыхырэм 2020-рэ илъэсым мэлылъфэгъум и 1-м ар къаIукIагъ. Банк картэхэм мэлылъфэгъум и 8 — 9-м ар къарыхьащт.
5. Коронавирусым ыпкъ къикIыкIэ шэпхъэ гъэнэфагъэхэр зэрагъэуцугъэхэм епхыгъэу Фондым иIофшIэн лъэныкъо горэхэмкIэ къыкIыригъэчыгъа?
Коронавирусым ыпкъ къикIыкIэ шэпхъэ гъэнэфагъэхэр зэрагъэуцугъэхэм епхыгъэу Фондым иIофшIэн сыд фэдэрэ лъэныкъокIи къыкIыригъэчыгъэп. Фондым фэIо-фашIэхэр икъоу афегъэцакIэ. Ар зыфэмыгъэхьыгъэ закъор санаториехэмрэ курортхэмрэ къазэращяIазэхэрэр ары. Шъугу къэтэгъэкIыжьы Урысые Федерацием и Правительствэ 2020-рэ илъэсым гъэтхапэм и 27-м пшъэрылъ къазэрафишIыгъэм тетэу санаториехэмрэ курортхэмрэ яIофшIэн къызэрэзэтырагъэуцуагъэр.
6. Джыдэдэм сыдэущтэу цIыфхэм Iоф адашIэра?
Коронавирусым зимыушъомбгъунымкIэ шапхъэхэр къыдэлъытэгъэнхэм тегъэпсыхьагъэу Фондым ирегион къутамэ ашъхьэ IофкIэ цIыфхэр пIалъэ горэкIэ щырагъэблагъэхэрэп.
7. ЯщыкIэгъэ справкэхэмрэ документхэмрэ сыдэущтэу Фондым ирегион къутамэкIэ цIыфхэм къызIэкIагъэхьан алъэкIыщта?
Коронавирусым епхыгъэу ЭЛН-мкIэ ахъщэ къазэраратыщт шIыкIэр линие плъырым ителефонэу 54-36-49-мкIэ зэрагъэшIэн алъэкIыщт.
Iофыгъоу къэуцухэрэмкIэ «info@ro1.fss.ru» зыфиIорэм зыфэжъугъэзэн, тхыгъэхэр аIэкIэжъугъэхьан е мыщ фэдэ телефон номерхэм шъуатеон шъулъэкIыщт:
справочнэ къулыкъур: 52-70-26;
приемнэр: 57-11-86;
фэгъэкIотэныгъэ зиIэхэм санаториехэмрэ курортхэмрэ къащяIэзэнхэр: 52-30-22;
фэгъэкIотэныгъэ зиIэхэм техническэ, протез-ортопедие пкъыгъохэр аIэкIэгъэхьэгъэнхэр: 52-70-24;
пIалъэ горэкIэ Iоф зышIэн зымылъэкIхэрэм, сабый зиIэхэм ахъщэ IэпыIэгъу ятыгъэныр: 52-70-23, 52-75-89.
Республикэм щыпсэухэрэм джащ фэдэу къэралыгъо фэIо-фашIэхэм япортал зыкI (www.gosuslugi.ru) къызфагъэфедэн алъэкIыщт. Страховать зязыгъэшIыгъэхэм отчетхэр атынхэ, джащ фэдэу экономикэ IофшIэн лъэпкъ шъхьаIэр зыфэдэр къагъэшъыпкъэжьын алъэкIыщт:
– Фондым ишлюзкIэ;
– къэралыгъо фэIо-фашIэхэм япортал зыкIыкIэ (http://www.gosuslugi.ru/);
– страховать зязыгъэшIыгъэм иунэе кабинеткIэ (cabinets.fss.ru);
– связым иоператор ишлюзкIэ.
ЦIыфхэм хахъоу яIэм е ахъщэ IэпыIэгъоу къаратыгъэм яхьылIэгъэ справкэхэр къаIахынхэмкIэ унэе кабинетыр къызфагъэфедэнэу игъо афэтэлъэгъу.
8. Сэкъатныгъэ зиIэхэм ящыкIэгъэ пкъыгъохэр сыдэущтэу непэ къаратыхэра? Ахэм IэпыIэгъукIэ хэта зызыфагъэзэн алъэкIыщтхэр?
Сэкъатныгъэ зиIэхэм ящыкIэгъэ протезхэр, ортопедие пкъыгъохэр пIалъэу агъэнэфагъэм тефэу зэрэреспубликэу щаIакIагъахьэ, ахэр яунэхэм афахьых. Сэкъатныгъэ зиIэхэм чIыпIэу зыщыпсэухэрэр е ятелефон номерхэр зызэблахъухэкIэ, отделением испециалистхэм пэшIорыгъэшъэу телефонэу 52-70-24-мкIэ макъэ къяжъугъэIунэу тышъолъэIу.
Урысые Федерацием социальнэ страхованиемкIэ и Фонд Адыгэ РеспубликэмкIэ икъутам