Зэпахырэ узэу коронавирусыр зиIэу зэгуцэфэхэрэ хъугъэ-шIэгъитIур Теуцожь районым икъуаджэу Къунчыкъохьаблэ щагъэунэфыгъ.

Роспотребнадзорым и ГъэIорышIэпIэ шъхьаIэу Адыгеим щыIэм ипащэу Сергей Завгороднем къызэриIуагъэмкIэ, мы къоджэ псэупIэм щыпсэухэрэр унэхэм къарымыкIхэу исынхэм ирежим щагъэлъэшыгъ, сымаджэхэр зыIукIагъэхэр къыхагъэщыгъэх ыкIи медицинэ уплъэкIунхэр ашIынхэм фэшI ищыкIэгъэ материалхэр ахахыгъэх, эпидемием пэшIуекIорэ Iофтхьабзэхэр щызэрахьэх.

Роспотребнадзорым и ГъэIорышIэпIэ шъхьаIэ ишъолъыр отдел ипащэу ОелI Заур къызэриIуагъэмкIэ, мы уахътэм ехъулIэу сымаджэхэр зыкIэрыхьэгъэхэ нэбгырэ 31-рэ ауплъэ­кIугъ, ащ щыщэу процент 90-р Къунчыкъохьаблэ щыщых.

Лъытэныгъэ зыфэтшIырэ тигъэзетеджэхэр, Iофым изытет зэхэшъу­шIы­кIынэу, коронавирусым зимыушъом­бгъуным епхыгъэ Iоф­тхьаб­зэхэр жъу­гъэцэкIэнхэу ты­шъолъэIу! Шъуи­у­нэхэм шъуа­рыс!