Мы мазэм коронавирусым ыпкъ къикIыкIэ, цIыфхэм Iоф амышIэрэми, «ЭкоЦентрэм» зэпхыныгъэ адыриIэ зэпыт. Колл-центрэм ипащэу Елена Ползиковам къызэриIуагъэмкIэ, апэрэ дэсыгъо тхьамафэм, гъэтхапэм и 30-м къыщыублагъэу мэлылъфэгъум и 5-м нэс, «линие плъырым» ителефон гъогогъуи 150-рэ къытеуагъэх. Нэбгырэ пчъагъэу унэм исым зэхъокIыныгъэ фэхъугъэмэ, ащ фэгъэхьыгъэ тхылъыр офисым уемыкIуалIэу зэрэптыщтыр ары нахьыбэу Адыгеим щыпсэу­хэрэр къызкIэупчIагъэхэр.

ШъунаIэ тешъотэгъадзэ, колл-центрэм джы сыхьатыр 7-м къыщыублагъэу 20-м нэс зы­гъэпсэфыгъо мафэ имыIэу Iоф ешIэ. Телефонхэр: 8.800-707-05-08, 8(8772)21-06-00.

Уиунэ уимыкIэуи упчIэхэм яджэуап зэбгъэгъотын плъэ­кIыщт. Телефонхэмрэ электроннэ адресымрэ квитанциехэм арытхагъ. Интернет нэкIубгъоу «adg_ecocentr@clean-rf.ru» зыфиIорэм уихьэми ибгъотэщтых. ХэкIыр зэрэIуащырэм ыуасэ «Сбербанк онлайн» зыфиIорэ приложениемкIэ птын плъэкIыщт.

ООО-у «ЭкоЦентрэм» и Адыгэ шъолъыр къутамэ ипресс-къулыкъу.