Тыгъуасэ, пчэдыжьым сыхьатыр 8.00-м, Мыекъуапэ иурамхэу Пионерскэмрэ Патрис Лумумб ыцIэ зыхьырэмрэ зыщызэблэкIхэрэм автомобилитIу щызэутэкIи, ащ илъэс 64-рэ зыныбжь бзылъфыгъэр хэкIодагъ.

Ар УАЗ-м исыгъэхэм ащыщ. Водителымрэ нэмыкIэу дисыгъэхэмрэ шъобж хьылъэхэр атещагъэхэу медицинэм иучреждениехэм ащагъэх.

Автомашинэхэр зыщызэутэкIыгъэхэм следственнэ-оперативнэ купым Iоф щишIагъ, хэхъухьагъэр зэхифыгъ.