2020-рэ илъэсыр къызихьагъэм къыщыублагъэу лъэсры­кIо­хэр зыхэфэгъэхэ хъугъэ-шIэгъэ 30 фэдиз Адыгеим игъогухэм къатехъухьагъ. Мыщ фэдэ хъугъэ-шIагъэу Крас­ногвардейскэ районым бэмышIэу къыщыхъугъэм зы нэбгырэ хэкIодагъ.

Къэралыгъо автоинспекторхэм зэрагъэунэфы­гъэмкIэ, пчыхьэр хэкIотагъэу автомобилэу Лада Приорэм иводителэу ­илъэс 25-рэ зыныбжьым гъогум рыкIощтыгъэ хъулъфыгъэр риутыгъ. Шъобжэу тещагъэхэм къахэкIэу илъэс 44-рэ зыныбжь лъэсрыкIом а чIыпIэм идунай щи­хъожьыгъ. Мы хъу­гъэ-шIагъэмкIэ полицием икъу­лыкъушIэхэм уплъэкIунхэр ашIых.

Статистикэм къызэ­ри­тырэмкIэ, мы илъэсыр къы­зихьагъэм къыщыублагъэу лъэсрыкIохэр зыхэ­фэгъэхэ хъугъэ-шIэгъэ 30 фэдиз Адыгеим игъогухэм щагъэунэфыгъ. Ахэм нэбгырэ 11 ахэкIодагъ, 20-мэ шъобжхэр атеща­гъэхэ хъугъэ.

Адыгеим и Къэралыгъо автоинспекцие икъулы­къушIэхэм цIыфхэм за­къыфагъазэ сакъыныгъэ къызхагъэфэнэу, гъогурыкIоным ишапхъэхэр амыу­къонхэу.

Пчыхьэ шIункIым ыкIи ом изытет зыщымыдэгъум нэфынэр къэзытырэ пкъы­гъохэр щыгъынхэм ахэ­лъыхэмэ ыкIи хэу­шъхьа­фы­кIыгъэ кIакохэр цIыф­хэм ащыгъыхэмэ, авариеу гъогухэм къатехъухьэхэрэр нахь макIэ зэрэхъущтым щэч хэлъэп.