Коронавирусым Адыгеим зыщимыушъомбгъуным фыте­гъэпсыхьэгъэ Iофтхьабзэхэм къахиубытэу, пенсие е нэмыкI социальнэ ахъщэ тын къызыфакIохэрэм, Те­кIоны­гъэм и Мафэ ипэгъокIэу агъэнэфагъэхэр къызтефэхэрэм ащыщыбэхэм пIалъэхэм анэмысызэ аIэкIэхьагъэх. ГущыIэм пае, банкым счетэу щыриIэм мазэм и 10-м шIомыкIэу къызфихьэхэрэм гъэтхапэм и 27-м афатIупщыгъ. Мазэм иятIонэрэ декадэ къызфакIо хабзэхэм зэхъокIыныгъэ фэмыхъугъэу къаIэкIэ­хьащт.

Почтэм е пенсиехэр ятыгъэнхэмкIэ Гупчэм мэлылъфэгъум и 1-м къыщыуб­лагъэу и 12-м нэс къызIэкIигъэ­хьан фэягъэхэм и 6-м шIомыкIэу аратыгъ. Мэлылъфэгъум и 13-м къыщыублагъэу и 20-м нэсэу къызIэкIахьэхэ хабзэм и 16-м шIомыкIэу къаратыщт.

ШъунаIэ тешъудз! Почтэмрэ ООО-у «Центр доставки пенсии» зыфиIорэмрэ мэлылъфэгъум и 15-м нэс пенсиехэр къызатыщтхэр.

УФ-м ПенсиехэмкIэ ифонд и Къутамэу АР-м щыIэм ипресс-къулыкъу.