Адыгеим зыныбжь хэкIотагъэхэм апае гъомылэпхъэ зэфэшъхьафхэр зэрылъ Iалъмэкъхэу агъэхьазырыгъэхэр зытефэхэрэм афагощынхэр къихьащт тхьамафэм аублэщт.

Нэжъ-Iужъхэм IэпыIэгъу языгъэгъотырэ волонтерхэм яIоф­шIэн тэрэзэу зэхэщэгъэнымкIэ унэшъо гъэнэфагъэхэр респуб­ликэм и ЛIышъхьэ ышIыгъэх. Нахь шIуагъэ къытэу ар гъэпсыгъэным зыкI волонтер штабыр лъэплъэ.

— Анахьэу щыкIагъэ зиIэ цIыфхэм ыпкIэ хэмылъэу гъо­мы­лэпхъэ гъэнэфагъэхэр аIэ­кIэгъэ­хьэгъэнымкIэ ищыкIэгъэ мылъкур сэ сиунашъокIэ къы­­хэдгъэ­кIыгъ. Коронавирусым зимыу­шъомбгъуным пае цIыфхэр яунэ исынхэ фаеу зэрэхъу­гъэм къы­хэкIэу, щыIэныгъэм чIыпIэ къин ригъэуцуагъэхэм IэпыIэгъу тафэхъу­нымкIэ бюджет ыкIи мы­бюджет ахъщэ къэ­кIуапIэхэр дгъэфедэнхэ фае, — къыкIи­гъэтхъыгъ КъумпIыл Мурат.

Джащ фэдэу Къэрэщэе-­Щэр­джэс Республикэм и ЛIышъхьэу Рашид Темрезовым шъоущыгъу тонн 50 Адыгеим къызэра­ри­гъэщагъэм фэшI рэзэныгъэ гу­щыIэхэр КъумпIыл Мурат фи­гъэхьыгъэх. А IэпыIэгъур Iалъмэкъэу агъэхьазырыщтхэм ахэ­хьащт.

Гъомылэпхъэ гъэнэфагъэ­хэм­рэ нахьыбэрэ агъэфедэрэ товархэмрэ зыIэкIагъэхьанхэу зытефэхэрэр:

1. Гъот макIэ зиIэ унагъохэр. 2. Шъхьэзакъохэу зыныбжь илъэс 65-м къехъугъэхэр. 3. Дэгъоу зекIон зымылъэкI­хэу сэкъатныгъэ зиIэхэр.

ПэшIорыгъэшъэу заявкэхэр къызатыхэкIэ, мэлылъфэгъум и 6-м къыщегъэжьагъэу волонтерхэм гъомылапхъэхэмрэ на­хьыбэрэ цIыфхэм агъэфедэрэ пкъыгъохэмрэ аIэкIагъэхьа- щтых.

Линие плъырхэм яномерхэр: 8-800-200-34-11, 8 (8772) 210-500. Муниципалитетхэм номер тедзэхэу ащагъэфедэхэрэр:

Къалэу МыекъуапэкIэ 8(8772) 555097 +79002772402

АдыгэкъалэкIэ +79189636407 +79951814450

Красногвардейскэ районымкIэ +79528113262 +79529821519

Джэджэ районымкIэ +79034580072

Мыекъопэ районымкIэ +79034656522

Тэхъутэмыкъое районымкIэ +7918-392-07-62 +7918-422-79-99

Теуцожь районымкIэ +79181548067 +79180880651

Кощхьэблэ районымкIэ +787770 92800

Шэуджэн районымкIэ +79086722360

Iэшъынэ Сусан.