Зэпахырэ узхэр къызыщыппыхьан ылъэкIыщт чIыпIэ шъхьаIэхэм ащыщ общественнэ транспортыр. Ащ къы­хэкIыкIэ муниципальнэ маршрутхэм атет общественнэ транспортым Мые­къуапэкIэ иIоф­шIэн къызэтегъэуцогъэ­ным фэгъэ­хьыгъэ унашъоу ашIыгъэм Адыгэ Респуб­ликэм и Оперативнэ штаб дыригъэштагъ. Муниципалитетым щыпсэухэрэм коронавирусыр къапымыхьаным ар фытегъэпсыхьагъ.

Пандемием илъэхъан Iоф зышIэрэ предприятиехэм ыкIи организациехэм япащэхэм якъулыкъушIэхэр IофшIапIэхэм къаращэлIэнхэ фае. Мыщ дэжьым ахэм сакъыныгъэ къызхагъэ­фэным, ищыкIэгъэ профилактическэ Iофтхьабзэхэр зэрахьанхэм, дезинфекцие ашIыным мэхьанэшхо иI.