Хэгъэгу зэошхоу 1941 – 1945-рэ илъэсхэм щыIагъэм советскэ народым ТекIоныгъэр къызыщыдихыгъэр илъэс 75-рэ мэхъу. ТикъэралыгъокIэ а заор анахь ушэтыпIэ хьазабыгъ ыкIи тарихъым советскэ цIыфхэм ялIыхъужъныгъэ лъэхъанкIэ хэхьагъ, лъэшэу лъэпIэ дэдэу а ТекIоныгъэр къафыдэкIыгъ. Непэ дунаим щыхъурэ-щышIэрэм елъытыгъэу угущыIэн хъумэ, тарихъ охътабэм, анахьэу Советскэ къэралыгъом итарихъ бэрэ, бэрэ уфэсакъэу инэкIубгъохэр кIэбджыкIыжьынхэ, зэбгъэшIэжьынхэ, зэфэгъэ- шъыпкъагъэкIэ зэкIэ зэо хъугъэ- шIагъэм изэхэфын укъекIолIэн фае. Советскэ народым ТекIоныгъэр къыдихын зыкIыфызэшIокIыгъэр, ипсэемыблэжьныгъэ, сыдрэ къиныгъо гугъэузи, мэшIожьы стыри, цIыф миллионхэм апсэу лъыпсэу чъэрэми къамыгъэуцоу, игугъэ ин – Хэгъэгур, чIыгур, зэкIэ советскэ цIыфхэр хьадэгъу-гъэрыпIэм къищыжьыгъэнхэр арэу зэрэщытыр дэгъоу къызэрагуры- Iощтыгъэр ары. О пщыщ хъу- гъэу, унэ, ппсэ фэбгъадэрэр, зыгорэм зэбгыритхъыныр агукIэ афэштагъэп. Фашист къумэлэ-хъункIакIохэр, техакIохэр пщэчынхэу зэрэщымытхэр, унэ къеIэрэм ыпсэ уеIэжьыныр, яфэшъуашэ ябгъэгъотыныр, якъэрарынчъагъэ текIодэжьынхэр япэсыгъэу алъытагъ.

Зышъхьасыжьыгъэп

БлэкIыгъэ я II-рэ хэгъэгу зэошхом джыри бэрэ цIыфыгу- хэр ыгъэолъэщтых ыкIи лыуз- гууз мыкIыжьыр агухэм бэрэ къаригъэтэджэжьыщт, сыда пIомэ, ТекIоныгъэм советскэ народым бэу осэшхо лъитыгъ – СССР-щтыгъэм ыкIи ащ къе- шIэкIыгъагъэхэ Союзнэ респуб- ликэхэм арысыгъэхэ унагъохэм а зэо шIуцIэр къызнэмысыгъэу е ымыгъэпцIымэмагъэу зыза- къуи къахэкIыщтэп, зэо сау- гъэтхэм, Iуашъхьэхэм, нэмыкI- хэм а зэкIэ къаIуатэ… Ауми, мы уахътэм бэ щызэблэхъоу, щыхэкIуакIэрэр, джары зэо хъугъэ-шIагъэм ишъыпкъэ гупшысэ пытэкIэ дытыхьэгъэн зыкIыфаер. Хэгъэгу зэошхом ишъыпкъэ икъежьапIэ зызэри- убгъугъэр, заор къезыфыжьагъэр, ар зэрэлъыкIотагъэр – зыхэм зыкъаухъумэжьэу, адрэхэм ямыер зэрапхъон гухэлъ бзаджэр зэряIагъэр,зэо лъэбэкъу пэпчъ уасэу иIагъэр зэхэугуфыкIыпагъэу гъэунэфыгъэныр, цIыф жъугъэ къызэрыкIохэр ыкIи Iэшъхьэтет инхэр ащ зэрэщызэдэIорышIагъэхэр, чIыпIэу, пшъэрылъэу яIагъэр кIэгъэтхъыгъэныр, Хэгъэгу зэош-хом ишъыпкъэ ягъэшIэгъэнымкIэ ыкIи гъэпытэгъэнымкIэ лъэшэу ищыкIагъ.

Мы зэкIэм япхыгъэу, зэо лъэхъэнэ машIом хэтыгъэхэ народым, дзэкIолIхэм, дзэпащэхэм а охътэ хьазабыр зыщэчыгъэхэм ацIэхэр къетIонхэр, япсэемыблэжьныгъэ-лIыхъужъныгъэ хэти фызэшIокIыгъэм тетэу къэтIотэныр, шъыпкъэм ылъапсэ зыухъумэщтэу ыкIи къызэтезгъэнэщтхэм ащыщэу теплъы.

Мамырыкъо Нуриет.