Урысые Федерацием и Президент 2020-рэ илъэсым гъэтхапэм и 25-м къыдигъэкIыгъэ Унашъоу «Урысыем мыIофшIэгъу мафэхэр щыгъэнэфэгъэн­хэм фэгъэхьыгъ» зыфиIорэм игъэцэкIэн ыкIи Адыгэ Республикэм и Законэу «АР-м и ЛIышъхьэ фэгъэхьыгъ» зыфи­Iорэм къапкъырыкIызэ, Адыгеим и ЛIышъхьэу КъумпIыл Мурат АР-м икъэралыгъо гъэцэкIэкIо къулыкъухэм, Адыгэ Республикэм и ЛIышъхьэрэ АР-м иминистрэхэм я Кабинетрэ я Администрацие унашъо афишIыгъ: — 2020-рэ илъэсым гъэтхапэм и 30-м къыщыублагъэу мэлылъфэгъум и 3-м нэс Iоф зышIэщт къэралыгъо граждан къулыкъушIэхэм япчъагъэ гъэнэфэгъэныр. — УФ-м и Президент 2020-рэ илъэ­сым гъэтхапэм и 25-м къыдигъэкIыгъэ Унашъом ипунктхэу 1-р ыкIи 2-р подведомственнэ организациехэм агъэцэкIэнхэм анаIэ тырагъэтыныр (къэбар зэрыжъугъотэщт официальнэ интернет-порталыр http:/www.pravo.gov.ru, 25.03.2020 Джащ фэдэу 2020-рэ илъэсым гъэт­хапэм и 30-м къыщыублагъэу мэлылъфэгъум и 3-м нэс Iоф зышIэщт къэралыгъо граждан къулыкъушIэхэм япчъагъэ нэмыкI къэралыгъо хэбзэ къулыкъухэм агъэнэфэнэу унашъом къыщеIо.