Коронавирусым пэуцужьыхэрэм дэпIэ предприятиехэр къахэхъуагъэх. ЦIыфхэм зэпахырэ уз щынагъор къямыутэкIыным фэшI агъэфедэхэрэ маскэхэр бэу ащэфыхэми, зэраIулъхэрэр зы мафэ. Джы предприятиехэм къадыщтхэр мэфэ заулэрэ бгъэфедэшъунхэу щытых.

Урысые Федерацием промышленностымрэ сатыумрэкIэ и Министерствэ ипресс-къулыкъу къызэриIуагъэмкIэ, дэпIэ фабрикэхэм маскэхэр къыдагъэ­кIынхэ фитэу зэрытхэгъэхэ удостоверениехэр аратыгъэх. Ахэм маскэхэр гъэтхапэм и 22-м адыхэу рагъэ­жьагъ. Ащ пае зэ нахь амыгъэфедэхэрэ маскэхэм якъыдэгъэ­кIыни зэпагъэ­ущтэп.

Апэу маскэхэм ядын езыгъэжьагъэхэр предпринимательхэр ары, ахэм къыдагъэкIхэрэр бинтым хэшIыкIыгъэх ыкIи непэ дгъэфедэ­хэрэ маскэхэм анахь мыдэйхэу алъытэ.

Промышленностымрэ сатыумрэ­кIэ Министерствэм ипащэу Денис Мантуровым мафэ къэс маскэхэр къыдэзыгъэкIыщтхэ фабрикэхэм къызэрахахъорэр къыIуагъ. Урысыем ишъо­лъыр пстэуми маскэхэр арагъащэхэу рагъэжьагъ, апэрэ партиер зыIэ­кIа­гъэхьагъэр Калужскэ хэкур ары.

(Тикорр.).