ЦIыфхэм хэбзэнчъэу къадэзекIуагъэхэмэ хэгъэгу кIоцI къулыкъум зыфагъэзэн зэралъэкIыщтымкIэ АР-м и МВД макъэ арегъэIу.

Ахэм зэу ащыщ тхыгъэ шIыкIэм тетэу зафэбгъэзэныр. Мыщ фэдэ шIыкIэм ар тетын фае:

1. Письмэр зыфэптхырэ хэгъэгу кIоцI къулыкъум ыцIэ е зызфэбгъазэ пшIоигъо къулыкъушIэм ылъэ­къуацIэ, ыцIэ, ятацIэ ыкIи иIэнатIэ.

2. Ежь цIыфым ылъэ­къуацIэ, ыцIэ, ятацIэ.

3. Джэуапыр къыздагъэ­хьыжьыщт почтовэ адресыр.

4. УиIэпэкIадзэ ыкIи зыщыптхыгъэ мафэр.

5. ИщыкIагъэ хъумэ, тхыгъэм игъусэнхэ ылъэ­кIыщт документхэр ыкIи материалхэр (е ахэм якопиехэр).

Даоу къаIэкIахьэхэрэр зэкIэ атхых. Нэужым ахэм захаплъэхэкIэ, уахътэу къафагъэуцугъэм къы­риубытэу къэзытхыгъэм джэуа­пыр фагъэхьыжьы.

АР-м и МВД джыри зэ цIыфхэм закъыфегъазэ бзэджэшIагъэ зэрахьагъэу е хабзэр аукъуагъэу щыгъуазэхэмэ, полицием ма­къэ арагъэIунэу. Шъугу къэтэгъэкIыжьы, ОВД-м телефонымкIэ ыкIи Ин­тернетым исайткIэ зыфэ­жъугъэ­зэн шъулъэкIыщт. Джащ фэдэу министерствэм иофициальнэ сайтэу «Для граждан» зыфиIорэм игъэ­кIотыгъэ къэ­барыр ижъугъотэщт.