IэкIыб къэралыгъуабзэхэм язэгъэшIэн фытегъэ­псыхьэгъэ Урысые зэнэкъокъоу «Полиглот-2020» зыфиIорэр гъэтхапэм и 10 — 11-м Татарстан икъэлэ шъхьа­Iэу Казань щыкIуагъ. Адыгэ къэралыгъо университетым истудентхэу Дмитрий Карповыр, Мария Пивоваренкэр, Владислава Скурнягинар, КIуращынэ Адам, купым ипащэу, зэнэкъокъум хэлэжьагъэх. Зэнэкъокъур лъэныкъо зэфэшъхьафхэмкIэ зэтеутыгъагъ: — «Полиглот» (IэкIыб къэралыгъо бзитIу е нахьыбэ зышIэхэрэр); — «ЗэдзэкIакIу» (зы бзэмкIэ); — «Юниор». Мы лъэныкъомкIэ IофшIэнхэр инджылызыбзэм, нэмыцыбзэм, французыбзэм ыкIи испаныбзэм атегъэпсыхьагъэхэу агъэцэкIагъэх. ТиныбжьыкIэхэм зэрифэшъуашэу зэнэкъокъум зыкъыщагъэ­лъэгъуагъ, Дмитрий Карповым я 3-рэ чIыпIэр къыфагъэшъошагъ.

ШхончыбэшIэ Рузан.