Урысые студент отрядхэм я Мафэ фэгъэхьыгъэ фестиваль Мые­къуапэ щыкIуагъ. Ащ кIэщакIо фэхъугъ Урысые ныбжьыкIэ общест­веннэ организациеу «Урысыем истудент отрядхэр» зыфиIорэм и Адыгэ къутамэ.

ЗэхэщакIохэм тызэрэщагъэгъозагъэмкIэ, пшъэрылъ шъхьа­Iэу мы Iофтхьабзэм иIэр студент отрядхэм шъолъырым зыщягъэушъомбгъугъэныр, ахэ­щэгъэ ныбжьыкIэхэм япчъагъэ хэгъэхъогъэныр ары.

Фестивалыр мэфэкI шIыкIэм тетэу кIуагъэ, зэхэща­кIохэм программэ гъэшIэгъон къагъэ­хьазырыгъ. Урысые студент отрядхэм ятарихъ къызэрэу­гъоигъэхэр нэIуасэ фашIыгъэх. Отрядхэм ныбжьыкIэу ахэтхэр творчествэм ылъэныкъокIэ амалэу аIэкIэлъхэр, видео­сюжетхэу къагъэхьазыры­гъэхэр зэнэкъокъум къыщагъэ­лъэгъуагъэх. Лъэныкъо зэфэ­шъхьафхэмкIэ отряд анахь чан­хэр къыхахыгъэх. ТекIоныгъэр къыдэзыхыгъэхэр щытхъу тхылъхэмкIэ ыкIи шIухьаф­тынхэмкIэ агъэшIуагъэх.

ШхончыбэшIэ Рузан.