— Къэралыгъом и Президент къэралыгъо политикэм зэхъокIыныгъэшхоу фишIыхэрэм непэрэ Джэпсалъэр къакIэ­лъэкIо. ЦIыфым — Урысыем игражданин игупсэфыныгъэ ащ чIыпIэшхо щиубытыгъ.

IэпыIэгъу нахь зищыкIэгъэ цIыф купхэм афэгъэ­хьыгъэу социальнэ-экономикэ лъэныкъом зэхъокIыныгъэхэр фэшIыгъэнхэм Президентым мэхьанэшхо ритыгъ. Демографием изытет нахьышIум ылъэныкъокIэ зэ­хъокIыным, унагъор, кIэлэцIыкIугъор къэухъумэгъэнхэм нахь ынаIэ атыригъэтыгъ. АщкIэ Владимир Путиным къыхигъэщыгъ къэралыгъом цIыф­хэр зэрилъапсэр, ахэм хэхъоныгъэ яIэным мэхьанэшхо зэрэритырэр. ЩыIэныгъэм илъэ­ныкъо зэфэшъхьафхэм хэхъоныгъэхэр ашIынхэм фэIорышIэрэ лъэпкъ проектхэр гъэ­псыгъэнхэмкIэ партиеу «Единэ Россием» мэхьанэшхо зэриIэр къыхэзгъэщы сшIоигъу. Непэрэ Джэпсалъэм Президентым къы­щигъэнэфэгъэ пшъэрылъхэм къапкъырыкIызэ цIыфхэм ящы­IэкIэ-псэукIэ нахьышIу зэрэхъу­щтым сицыхьэ телъ.