Чъыгхэр хэбзэнчъэу ишъумыупкIых!
ИлъэсыкIэ мэфэкIхэр къызыщыблагъэхэрэм ехъулIэу Адыгэ Республикэм мэзхэмкIэ и ГъэIорышIапIэ макъэ къегъэIу нэрат (хвое) чъыгхэр хэбзэнчъэу рамыупкIынхэм тегъэпсыхьагъэу илъэсыкIэ мэфэкIхэм ялъэхъан нэратхэм якъэухъумэн гъэлъэшыгъэным фэгъэхьыгъэ унашъо илъэс къэс къызэрэдагъэкIырэмкIэ.
Адыгэ Республикэм мэзхэмкIэ и ГъэIорышIапIэ иинспекторхэмрэ Урысыем и МВД Мыекъопэ районымкIэ и РОВД-мрэ нэратхэр Урысые Федерацием икъэралыгъо мэз фонд къыщыгъэгъунэгъэнхэмкIэ Iофтхьэбзэ гъэнэфагъэхэр зэрахьэх.
Урысыем и МВД Мыекъопэ районымкIэ иотдел иIофышIэхэм ягъусэхэу ахэм планым диштэу оперативнэ Iофтхьабзэхэр зэхащэх.
ИлъэсыкIэр къызыщыблагъэрэм ехъулIэу чъыгхэр, нэрат чъыгхэри ахэм зэрахэтхэу, хэбзэнчъэу изыупкIыхэрэм Урысые Федерацием административнэ хэбзэукъоныгъэхэмкIэ и Кодекс ия 8.28-рэ статья, Урысые Федерацием и Уголовнэ кодекс ия 260-рэ статья адиштэу административнэ е уголовнэ пшъэдэкIыжь арагъэхьыщт.
Хэбзэнчъэу раупкIырэ нэратхэм язы кубометрэ фэди 100-кIэ нахь лъапIэу къафекIущт: кубометрэр сомэ 43782,00-кIэ къафыдэкIыщт.