Мыекъуапэ зегъэхьазыры

Тыгъэгъэзэ мазэр къызэрихьэу ИлъэсыкIэм зыфагъэхьазырынэу пстэуми аублэ. КIымэфэ мэфэкIхэм ятамыгъэ — елкэм — мыгъэ Мыекъуапэ ыкIи ащ къыпыщылъхэ къоджэ псэупIэхэм ячIыпIэ зэфэшъхьафхэр къыгъэкIэрэкIэщтых.
Урамэу Пушкиным ыцIэ зыхьырэ дэхьагъумкIэ къэлэ паркым елкэр щагъэуцугъах. Мыекъуапэ ипсэупIэхэу «Восход» зыфиIорэм (ур. Шоссейнэм тет аллеем), «Черемушкэм» (щэпIэ гупчэм пэчIынатIэу), станицэу Ханскэм ыкIи поселкэу Родниковэм елкэхэр ащагъэуцух.
Чъыг шхъонтIэ дэхэшхоу метрэ 25-рэ хъурэр Лениным игупчэ мы уахътэм щагъэуцу. ШIэхэу джэголъэ кIэракIэхэмкIэ ар къызэпэнэфыщт. Джащ фэдэу урамэу Краснооктябрьскэм «жъогъо уашъом» иостыгъэхэр тыгъэгъазэм ыгузэгу къыщыхэнэщтых.