КIэлэцIыкIухэр зыхэлэжьэщтхэ мэфэкI Iофтхьабзэхэр зыщыкIощтхэ чIыпIэхэу республикэм итхэм машIор ащыщынэгъончъэным фэшI мы уахътэм уплъэкIунхэр ащэкIох.

Объект 260-рэ ауплъэкIущт — кIэлэцIыкIу IыгъыпIэхэр, еджапIэхэр, культурэм иунэхэр. МэфэкI Iофтхьабзэр чIыпIэ пэпчъ щэкIофэ ошIэ-дэмышIэ IофхэмкIэ къулыкъум иIофышIэ чIэтыщт.

Ащ имызакъоу, хэгъэгу кIоцI IофхэмкIэ Министерствэр, прокуратурэр, ошIэ-дэмышIэ Iоф­хэмкIэ къулыкъур зэгъусэхэу зэдашIыщтхэ уплъэкIунхэм къа­дыхэлъытагъэу, къэохэрэ пкъы­гъохэр зэращэщтхэм ыкIи зэрагъэфедэщтхэм алъыплъэщтых.

Адыгэ Республикэм и ЛIы­шъхьэ иунашъокIэ, сабыибэ зэ­рысхэ унагъохэу социальнэ щынагъо зышъхьащытхэм япсэу­пIэхэм машIор къазыщыхъукIэ макъэ къэзыгъэIухэрэ пкъыгъо­хэр афырагъэуцох. Унэгъо 68-мэ афагъэуцугъ, джыри илъэ- сыр имыкIызэ унэгъо 37-мэ а пкъыгъор арагъэгъотыщт.

Анахьэу анаIэ зытырагъэтыхэрэм ащыщых социальнэ объектхэу чэщи мафи зычIэс­хэр. Ащ фэдэ объект 34-рэ республикэм ишъолъыр ит: кIэ­лэцIыкIу ыкIи нэжъ-Iужъ- хэр зыщаIыгъхэ унэхэр, сымэ­джэщхэр.

Тыгъэгъазэм и 20-м къыщегъэжьагъэу гузэжъогъу къулыкъухэм гъэлъэшыгъэ шIыкIэм тетэу Iоф ашIэщт.

Министерствэхэм, ведомст­вэхэм ыкIи муниципалитетхэм япащэхэр щынэгъончъэным пхъашэу лъыплъэнхэу Адыгеим и ЛIышъхьэ афигъэпытагъ.