Къуаджэ пэпчъ дунэе шъхьафэу щыт ыкIи щыIэкIэ-псэукIэ гъэнэфагъэ иI.

Хэти къызщыхъугъэ чылэр шIу елъэгъу, гукъэкIыжь къабзэхэри фыриIэх. ЧIыпIэ дахэу, джэгупIэхэмкIэ зэтегъэпсыхьагъэм сабыир щыппIуным елъытыгъэр макIэп. Ар ицIыкIугъом ащ есэ ыкIи ины хъугъэми къэзыуцухьэрэ дунаир зэригъэкIэрэкIэщтым пылъыщт.

Теуцожь районым ит къуа­джэу Нэшъукъуае икIэлэ пIу­гъэу, Адыгэ Республикэм ипрокурор игуадзэу КIыкI Исмахьилэ ишIушIагъэ ар къыгъэшъып­къэжьыгъ ыкIи лъэпкъ гъэзетэу «Адыгэ макъэмкIэ» ащ тызэ­рэфэразэр етIо тшIоигъу. Икъо­джэ гупсэ къыдэхъухьэрэ сабый­хэм афэгумэкIэу, иунэе мылъкукIэ урамэу Хъ. Андырхъуаем ыцIэ зыхьырэм кIэлэцIыкIу джэгупIэ щаригъэшIыгъ. КIэлэцIыкIу IыгъыпIэми, гурыт еджапIэми къаращыжьыхэрэр зэкIэри мы чIыпIэм къыщэуцух, ягуапэу яуахътэ щагъакIо. Чэф макъэр къахэIукIэу Iэгуаом рэджэгух, хъэреным зыщагъэ­хъые, лъэгапIэхэм къячъэхых.

ТикIалэхэр зэрэбгъэгушIуагъэ­хэм пае тхьауегъэпсэу, Исма­хьил! Джащ фэдэу цIыфмэ уишIуа­гъэ ябгъэкIын плъэкIэу илъэсыбэрэ ущыIэнэу тыпфэлъаIо.

ДжэгупIэр зыщагъэуцугъэ хьэблашъхьэм щыпсэухэрэр.