IэкIыб къэралыгъохэм къарыкIыгъэ нэбгыри 7-у кощын IофхэмкIэ хэбзэгъэуцугъэр гъо­гогъу пчъагъэрэ зыукъуагъэхэр Урысыем ра­гъэкIынхэу хьыкумым унашъо ышIыгъ. Хьы­кум приставхэр ягъусэхэу ахэр хэу­шъхьа­фы­кIыгъэ учреждением ащагъэх, нэужым къыздикIыгъэхэм агъэкIожьыщтых.

Республикэу Узбекистан илIыкIохэм IофшIэным ылъэ­ныкъокIэ шапхъэхэу щыIэхэр зэраукъуагъэхэм къыхэкIэу ад­министративнэ пшъэдэкIыжь арагъэхьыгъ.

Мыекъопэ къэлэ хьыкумым исудья унашъоу ышIыгъэм ди­штэу ахэр Мыекъуапэ ращыхи, Краснодар краим и Гулькевичскэ район ит хэушъхьафыкIыгъэ учреждением ащагъэх. Урысыем ихэбзэгъэуцугъэ къы­зэригъэнафэу, Узбекистан къи­кIыгъэхэм якъэралыгъо арагъэ­гъэзэжьыщт.

Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу