Бзылъфыгъэр агъэмысагъ
Илъэс 38-рэ зыныбжь бзылъфыгъэу Мыекъуапэ щыпсэурэм ылъэныкъокIэ къэралыгъо гъэпщынакIом къызэIуихыгъэ уголовнэ Iофым Мыекъопэ къэлэ прокуратурэм дыригъэштагъ.
Хьыкумым ышIыгъэ унашъор бзылъфыгъэм щигъэзыий, телъхьапIэ имыIэу зыныбжь имыкъугъэ исабый нэбгыриплIымэ яIыгъын тефэрэ ахъщэр аритыгъэп.
Хьыкумым зэригъэунэфыгъэмкIэ, агъэмысэрэ бзылъфыгъэм исабыиплI къэралыгъо социальнэ учреждением щаIыгъ. ЫпэкIэ, хьыкумым иунашъокIэ, бзылъфыгъэм ны фитыныгъэхэр Iахыгъэх, ау ахэм яIыгъын тефэрэ ахъщэр аритын фаеу унашъо ашIыгъ.
Къэралыгъо гъэпщынакIом дыригъашти, Мыекъопэ къэлэ хьыкумым бзылъфыгъэр ыгъэмысагъ ыкIи илъэси 8 хьапс тырилъхьагъ. Унашъом кIуачIэ иIэ хъугъэ.