Я 2-рэ чIыпIэр къыхьыгъ чэф»

Зэнэкъокъоу «Урысыем икъалэхэр. Лъэпкъ хэдэн» зы­фиIорэр тикъэралыгъо илъэс къэс зыщызэхащэрэр бэ­­шIа­гъэ. ЗэкIэ къалэхэм проектым хэлэжьэнхэу фитыныгъэ яI.

ИкIыгъэ 2019-рэ илъэсым ыкIэм зэ­фэхьысыжьхэу ашIыгъэхэм Къэбэртэе-Бэлъкъар Рес­публикэм икъэ­лэ шъхьаIэу Налщык ятIо­нэрэ чIыпIэр зэрэщиубытыгъэр къыща­гъэнэфагъ. Ты­фэ­гушIо ыкIи тигуапэ.

Темыр Кавказым икъа­лэхэм ащыщэу ущыпсэункIэ анахь къэлэ гу­псэфэу ыкIи хъопсагъоу къыхахыгъэр Налщык ары. Илъэс зэфэшъхьаф­хэм апэрэ чIыпIэр къы­дэзыхыгъэхэм ащыщых Тюмень, Хабаровскэ, Краснодар, Геленджик, нэмыкI къалэхэри.

Проектым лъапсэу иIэр ахэм ащыпсэухэрэ цIыф­хэм якъалэ итарихърэ икультурэрэ къафагъэзэжьыным, хъугъэ-шIэгъэ гъэшIэгъонхэу къащыхъугъэхэр ащымыгъупшэнхэм, тарихъ саугъэтхэу адэтхэм якъызэтегъэнэн лъыплъэнхэм тырагъэгушIухьанхэр ары. Ущы­псэункIэ анахь къэлэ гупсэфхэм якъыхэхынкIэ интернетыр агъэфедагъ. ЦIыфхэм амакъэхэр зыфатыщтхэ къалэхэр онлайн шIыкIэм тетэу къыхахыгъэх. Пчъагъэхэр къызалъытэжьыгъэхэр ыкIи апэрэ чIыпIищыр зыхьыгъэхэ къалэхэр къыз­аIуагъэхэр тыгъэгъа­зэм и 30-р ары.

Налщык Урысые Федерацием и Правительствэ и Диплом ахъщэ шIухьафтын игъусэу къыратыгъ. Мылъкур къалэм изэте­гъэпсыхьанрэ ар зыпшъэ дэкIыхэрэ IофшIэкIо чанхэм аратыщтхэ шIухьафтынхэмрэ апэIуагъэхьащт.
(Тикорр.).