Яуахътэ щынэгъончъэным пай

КIэлэцIыкIухэм япсауныгъэ зыщагъэпытэрэ лагерэу «Кавказ» зыфиIорэм МЧС-м иIофышIэхэмрэ Общероссийскэ общественнэ организациеу «Всероссийское добровольное пожарное общество» зыфиIорэмрэ къэралыгъо учреждениеу «Хъугъэ-шIэгъэ тхьамыкIагъохэм я Адыгэ республикэ Гупчэ» ягъусэу машIо къэхъумэ узэрэзекIощтым фэгъэхьыгъэ егъэджэнхэр щызэхащагъэх.

— 2016-рэ илъэсым къалэм дэдзыгъэхэу Адыгеим зыгъэ­псэфыпIэ-IэзэпIэ лагерищмэ Iоф щашIэ. Ахэр зэкIэри Мыекъо­пэ районым итых, — еIо Мые­къуапэкIэ ыкIи Мыекъопэ рай­онымкIэ дознователь шъхьаIэу, МЧС-м и ГъэIорышIапIэу Адыгеим щыIэм икъулыкъушIэу Завен Оганесян. — IэзэпIэ-зыгъэпсэфыпIэу «Кавказым» мэкъуогъум и 1-м къыщегъэжьагъэу Iоф ешIэ. Ар къызэ­Iуамыхызэ сабыеу къэкIощтхэм щынэгъончъэу загъэпсэ­фыным­кIэ Iофтхьабзэхэр едгъэжьагъэх. МашIо лагерым къыщымыхъу­ным е машIом зыкъиштэмэ кIэлэцIыкIухэр зэрэзекIонхэ фаер агурыдгъэIоным тыпылъ. Зыгъэпсэфыгъо уахътэр (сменэр) рагъэжьэным ыпэкIэ ащ Iоф щызышIэщтхэм апае машIо къэхъумэ узэрэзекIощтым фэ­гъэхьыгъэ еджэнхэр зэхэтэщэх. Ащ дакIоу кIэлэцIыкIухэм за­гъэпскIынэу защэхэкIэ, псым узэрэщызекIон фаер ежь лагерьхэм яIофышIэхэми, сабый­хэми къафэтэIуатэ, ятэгъэ­лъэгъу.

(Тикорр.).