Э. Тыгъужъым имыжъобгъу

Мыекъуапэ испорт еджапIэу N 2-м 1971 – 1998-рэ илъэсхэм ипэщэгъэ Тыгъужъ Эдуард шIэжь мыжъобгъу спорт Унэшхом къыщыфызэIуахыгъ.

Зэхахьэм къыщыгущыIагъэх Мыекъуапэ инароднэ депутатхэм я Совет итхьаматэу Джарымэкъо Азмэт, спорт еджапIэм итренерхэу Юрий Бойко, Евгений Крбашян, Тыгъужъ Эдуард ишъхьэ­гъусэу Татьянэ, нэмыкIхэри.

— Баскетбол командэу «Динамо-МГТУ-м» спорт еджапIэу N 2-м зыщегъасэ, — къытиIуагъ Адыгэ Республикэм изаслуженнэ тренерэу Андрей Синельниковым. — Тикомандэ Урысыем исуперлигэ ия 2-рэ куп щешIэ. ИлъэсыкIэу къихьэрэм къытлъыплъэхэрэр нахьыбэрэ дгъэгушIонхэ тимурад.

Щылэ мазэм и 12 – 13-м Рязань, и 16 – 17-м Тулэ якомандэхэм Мыекъуапэ тащыIу­кIэщт.

ЕМТIЫЛЪ Нурбый.