Электрон шIыкIэр нахьыбэмэ къыхахы

ЦIыфым амыгъэкощырэ мылъкоу иIэмкIэ ифитыныгъэ къэзыушыхьатырэ тхылъ мин 28-рэ фэдиз илъэсныкъом къыкIоцI Адыгэ Республикэм и Кадастрэ палатэ къыкIэлъэIугъэхэм аIэкIигъэхьагъ.

Амыгъэкощырэ мылъкумкIэ къэралыгъо реестрэ зыкIым къыхатхыкIы­гъэр цIыфым къызIэкIигъэхьаным пае МФЦ-м иофисэу документхэр зыштэрэм ыкIи язытырэм зыфигъэзэн, ащ нэмыкIэу Росреестрэм иофициальнэ портал иэлектроннэ амали ащкIэ къызфигъэфедэн ылъэкIыщт.

Директорым игуадзэу Ирина Никитинам къызэриIуагъэмкIэ, республикэм щыпсэухэрэм янахьыбэм электрон шIыкIэр къыхахы. Арэущтэу зыкIэхъурэр сыд фэдэ уахътэми, сыд фэдэ чIыпIэми, ежь цIыфымкIэ нахь Iэрыфэгъоу зыщыхъурэм, тхылъыр къыратыным пае лъэIур аIэкIигъэхьан ылъэкIыщт. Ащ нэмыкIэу электрон шIыкIэм тхылъы­пIэ документ къыпIэкIэхьаным нахьи нэмыкI федэхэри пылъых.

Амыгъэкощырэ мылъкумкIэ къэралыгъо реестрэ зыкIым къыхатхыкIырэ къэбарым ыпкIэ лъыптын фае. Амыгъэкощырэ мылъку зы шъолъырым ехъу щызимыIэ цIыфым электрон шIыкIэм тетэу тхылъхэр къызIэкIи­гъэхьанхэм пае сомэ 400 еты, тхылъы­пIэ хъумэ – сомэ 650-рэ.

ЛъэIу тхылъыр заIэкIахьэкIэ Iоф­шIэгъу мэфищым нахьыбэ тырамыгъашIэу ящыкIэгъэ къэбарыр алъагъэIэсыжьы.

Урысые Федерацием ичIыпIэ зэфэшъхьафхэм а зы лъэкIуацIэр, а зы цIэр яIэу, къызыхъугъэ мафэхэри зэтефэхэу къызэрэхэкIырэм пае зэкIэми СНИЛС-р къагъэхьымэ на­хьышIу зым фэгъэхьыгъэ фитыныгъэр къэзыушыхьатырэ тхылъыр нэмыкI горэм IэкIэмыхьаным пае.

Шъугу къэтэгъэкIыжьы амыгъэкощырэ мылъкумкIэ къэралыгъо реестрэ зыкIым ит къэбарыр цIыф гъэнэфагъэ горэм къышъуфихьыным иамали зэрэщыIэр. Хэти ыгукIэ нахь къыхихырэ фэIо-фашIэр къызфигъэфедэным пае телефонэу 88772593046 (2227) теон е электрон почтэм: dostavka@01/kadastr.ru зыфигъэзэн фае.