ШэпхъэшIухэм адиштэу

Джырэ лъэхъаным диштэу чIыпIэ 300 зычIэт 3D-кинозал станицэу Ханскэм тыгъэгъазэм и 6-м сыхьатыр 12-м къыщызэIуахыщт.

Культурэм и Унэу станицэм дэтым ар хэтыщт. Лъэпкъ проектэу «Культура» зыфиIорэм къыдыхэлъытагъэу кинозалыр зэтырагъэпсыхьагъ.

Бюджет мылъкоу сомэ миллиони 5-у къатIупщыгъэм ишIуа­гъэкIэ мэкъэ къабзэ къэзытырэ джырэ техникэр, цифрэ шIыкIэм тет кинопроектор, фильмхэр къызыщагъэлъэгъощт экраныр ыкIи къызэ­рагъэлъэгъощт 3D системэр щыгъэпсыгъэх.

Программэм ипшъэрылъ шъхьа­Iэхэм ащыщ тикъэралыгъо щыпсэухэрэ цIыфхэр искусствэм ипроизведениехэм ащыгъэгъо­зэгъэнхэр ыкIи урысые фильм­хэу къагъэлъагъохэрэм япчъагъэ нахьыбэ шIыгъэныр.

Мы уахътэ муниципальнэ об­разованиеу «Къалэу Мыекъуа­пэ» зыфиIорэм культурэмкIэ игъэIорышIапIэ кинотеат­ракIэм цIэ анахь дэгъу къы­фэзыугупшысыщтымкIэ зэнэ­къокъу ­зэхищагъ.